සිරකරු අයිතිවාසිකම් සුරැකිමේ කමිටුවේ කැදවුම්කරු සුදේශ් නන්දිමාල් සිල්වා පෙන්වා දෙන්නේ ජීවිත 27 ක් බිලිගත් මීගමුව බන්ධනාගාරයේ ගැටුමෙන් අනතුරුව එම බන්ධනාගාරයේ සිටි රැදවියන් දිවයිනේ වෙනත් බන්ධනාගාර වෙත රැගෙන ගිය බවයි.
එලෙස රැගෙන ගිය රැදවියන්ට බන්ධනාගාර නිලදාරීන් විසින් පහරදීම හේතුවෙන් වැලිකඩ බන්ධනාගාරයේ එක් රැදවියෙක් ජුලි 07 වැනිදා ඝාතනය කර ඇති බව අනාවරණය කරන සුදේශ් නන්දිමාල් සිල්වා අවධාරණය කරන්නේ සිදු කෙරන පහරදීම් සම්බන්ධයෙන් ඉහළ නිලධාරීන් දැනුවත් කළත් ඔවුන් ඊට ඇහුන්කම් නොදීම නිසා මෙම ඝාතනය සිදුවු බවයි.
“අපි මේ සම්බන්ධව ඉහළ නිලධාරීන් විශේෂයෙන් කොමසාරිස්තුමා, බන්ධනාගාර කොමසාරිස් ජෙනරාල්තුමාව අපි දැනුවත් කරා පුද්ගලිකවම. ඒ වගේම අමාත්‍යාංශ මට්ටමෙන් යම් යම් ලේකම්වරු දැනුවත් කළා. දැනුවත් කරලා කිව්වා මෙහෙම පහර දෙනවා. යම් විදිහකින් මේ රැදවියෙක් ඝාතනය උනොත් විශාල ප්‍රශ්නයක්, විශාල කලු පැල්ලමක් ආණ්ඩුවට කියලා. නමුත් එකක්වත් මේ ගොල්ලෝ පිලි ගත්තෙත් නැ. මේ සම්බන්ධව ඇහුන්කම් දුන්නෙත් නැ .”
මුහුණු පොත ඔස්සේ විඩියෝවක් නිකුත් කරමින් සිරකරු අයිතිවාසිකම් සුරැකිමේ කමිටුවේ කැදවුම්කරු සුදේශ් නන්දිමාල් සිල්වා අධිකරණ සහ ජාතික ඒකාබද්ධතා අමාත්‍යවරයාගෙන් දැඩිව ප්‍රශ්න කර සිටින්නේ මෙම ඝාතනය සිදු වුයේ අමාත්‍යවරයාගේ දැනුවත් භාවය සහිතවද යන්නයි.
“ දැන් මේ විදිහට මිනිස්සුන්ව මරන්න පුළුවන්ද ? මොකක්ද මේ රටේ නීතිය. අපි ප්‍රශ්න කරන්නේ ඒකයි. මේක නීතියද රටේ. ඒ නිසා කරුනාකරලා ඇමතිතුමා අපි කියනවා ඔබතුමා දැනුවත්ව හෝ නොදැනුවත්ව තමයි මේ ඝාතනය වෙන්න ඇත්තේ. අපිට සැකයක් තියනවා දැන් දැනුවත්ව උනාද කියලා.”
වැලිකඩ බන්ධනාගාරය තුලදී ජුලි 07 වැනිදා සිදු කළ අවිශ්ක නම් රැදවියාගේ ඝාතනය සම්බන්ධයෙන් සිරකරු අයිතිවාසිකම් සුරැකිමේ කමිටුවේ කැදවුම්කරු සුදේශ් නන්දිමාල් සිල්වා සිදු කරන අනාවරණය පහත විඩියෝවෙන්,
