The Leader News
BREAKING
දමිළ කිවිවර චේරන් දිවි සැරිය නිම කරයි●ඩොලර් මිලියන 500ක ඉලක්කය බිංදුවට; නාගරික සංවර්ධනයේ අර්බුදය හෙළිවේ●අතුරුදන් වූවන් හඳුනාගැනීමට DNA බැංකුවක්: BTF හදිසි ආයාචනයක්●වැලි කඩදාසි රහසට වසර 8කට පසු බැන්ක්‍රොෆ්ට් නිහඬතාව බිඳී: කමින්ස් දැඩි පීඩනයක●සිංගප්පූරුවේ විශ්‍රාම වයස 65 දක්වා ඉහළට: රැකියා සංස්කෘතිය වෙනස් වෙයිද?●2027 හොඳම සංචාරක ගමනාන්තය ඉන්දියාවයි; සැබෑ ඉන්දියාව කියවන කාන්තාවෝ●රාජකීය පෙන්ඩනයක් නිසා කරීනා කපූර්ට නීතිමය දැනුම්දීමක්●අල්ලස් චෝදනා ලැබූ කාති විනිසුරු සහ බිරිඳ රක්ෂිත බන්ධනාගාරයට●ප්‍රභූ දේශපාලනයට අභියෝග කළ 'නාඳුනන පුත්තු' ඓතිහාසික කියවීම●ඩොලර් අර්බුදයට විසඳුම 'ජාත්‍යන්තර අධ්‍යාපන කේන්ද්‍රයක්' වීමයි●
Top Ad
Opinion

අපි එකම වරද නැවත නැවත කරන්නේ ඇයි? | දීප්ති ගුණරත්නගේ TV සුප්‍රීම් අනාවරණය

T

The Leader Desk

September 19, 2026 • 4:40 PM

අපි එකම වරද නැවත නැවත කරන්නේ ඇයි? | දීප්ති ගුණරත්නගේ TV සුප්‍රීම් අනාවරණය

ලිපියට සවන් දෙන්න

පැහැදිලි සිංහල හඬ කියවනය (Natural Audio)

  • මිනිසා සතුට නොව වේදනාව පසුපස හඹායන්නේ ඇයි?
  • තමන් ඡන්දය දෙන දේශපාලනඥයා පංචසීලය නොරකින, සදාචාර විරෝධී හෝ දූෂිත අයෙකු බව හොඳින්ම දැන සිටියද, ‘ඔහු රට හෝ ආගම බේරාගනු ඇත’ යන මනඃකල්පිත විශ්වාසය ඔහු මත පටවමින් ජනතාව තර්කයට පටහැනිව ක්‍රියාකරති.
  • මිනිස් සමාජය මෙහෙයවනු ලබන්නේ සැබෑ විද්‍යාත්මක දැනුමෙන් නොව, තමන් ආරක්ෂා කරනු ඇතැයි සිතන මෙවැනි අවිඥානික මිථ්‍යා විශ්වාසයන් මඟිනි.
  • ‘වෙල්නස්’ මායාව, ෆයිට් ක්ලබ් සහ ආත්ම ගවේෂණයේ විමුක්තිය නූතන ධනවාදී වෙළඳපොළ විසින් ප්‍රවර්ධනය කරන ‘යහපැවැත්ම’ (Wellness), සතුට පසුපස හඹායාම සහ මතුපිට සාර්ථකත්වයේ න්‍යායපත්‍රය මිනිසා පද්ධතියේ රූකඩයක් බවට පත්කර ඇති බව දීප්ති කුමාර ගුණරත්න දැඩි විවේචනයට ලක්කළේය.
අකුරු ප්‍රමාණය (Font Size):


මිනිසා සතුට නොව වේදනාව පසුපස හඹායන්නේ ඇයි? අවිඥානය සහ ‘ඩ්‍රයිව්’ එක පිළිබඳ දීප්තිගේ මනෝවිශ්ලේෂණීය විග්‍රහය

මිනිසාගේ අවිඥානය (Unconscious) හෙවත් යටිහිත යනු පුද්ගලයා සතුට කරා මෙහෙයවන සුන්දර දැනුම් පද්ධතියක් නොව, නොදැනුවත්වම තමන්ව වේදනාව, අසාර්ථකත්වය සහ ස්වයං විනාශය (Self-destruction) කරා රැගෙන යන අතිශය බලවත් අභ්‍යන්තර යාන්ත්‍රණයක් බව ප්‍රවීණ මාධ්‍යවේදී නාරද බක්මීවැව මෙහෙයවන ටී.වී. සුප්‍රීම් රුපවාහිනියේ ‘IF Smart Casual’ වැඩසටහන සමඟ එක්වෙමින් සමබිම පක්ෂයේ නායක සහ දේශපාලන විචාරක දීප්ති කුමාර ගුණරත්න පෙන්වා දුන්නේය.

සිග්මන්ඩ් ෆ්‍රොයිඩ් සහ ජාක් ලකාන් වැනි මනෝවිශ්ලේෂකයන්ගේ මූලික න්‍යායයන් ඇසුරින් මිනිස් හැසිරීම, දෛනික ජීවිතයේ පරස්පරතා සහ දේශපාලන ක්‍රියාවලිය විග්‍රහ කළ දීප්ති කුමාර ගුණරත්න, මිනිසා යනු හුදු තර්ක බුද්ධියෙන් (Rationality) පමණක් තීන්දු තීරණ ගන්නා සත්වයෙකු නොව, අවිඥානික ආවේගයන් හා ෆැන්ටසීන් (Fantasies) මඟින් පාලනය වන සංකීර්ණ ආත්මයක් බව අවධාරණය කළේය.

සපත්තු නොදා බයිසිකල් පැදීම සහ වේදනාවෙන් සතුටුවීමේ ‘ඩ්‍රයිව්’ එක

ලංකාවේ මෝටර් සයිකල් පදවන්නන්ගෙන් 80%කට වඩා වැඩි පිරිසක් අනතුරුදායක බව දැන දැනම සපත්තු හෝ ආරක්ෂිත අත්වැසුම් නොපැලඳ ධාවනය කිරීම සහ ග්‍රයින්ඩර් වැනි අනතුරුදායක යන්ත්‍ර භාවිතයේදී එහි ආරක්ෂිත ආවරණ ගලවා දමා අතපය කපාගැනීම වැනි සිදුවීම් හරහා මිනිසාගේ ‘අවිඥානික ධාවකය’ (Drive) මනාව පැහැදිලි වන බව දීප්ති කුමාර ගුණරත්න පෙන්වා දෙයි.

ධාවකය යනු හුදෙක් ඉලක්කයක් ජයගැනීම නොව, ඉලක්කය මගහරිමින් එකම අසාර්ථකත්වය වටා භ්‍රමණය වෙමින් එම වේදනාවෙන්ම අභ්‍යන්තර තෘප්තියක් (Jouissance) ලැබීමේ ක්‍රියාවලියකි. දුම්වැටියක හෝ මත්පැන් උගුරක මුල්ම රසය අතිශය තිත්ත සහ වේදනාකාරී වුවද මිනිසා ඊට ඇබ්බැහි වන්නේ එම වේදනාව අත්විඳීමට ඇති අවිඥානික නැඹුරුව නිසා වන අතර, බාහිරින් කොතෙක් දැනුවත් කළද මිනිසා තර්ක බුද්ධිය පසෙකලා අවිඥානිකව තමන්ව අනතුරට නිරාවරණය කරගන්නේ මෙම යාන්ත්‍රණය නිසා බව මෙහිදී සාකච්ඡා විය.

නීල්ස් බෝර්ගේ අශ්ව ලාඩම සහ මිථ්‍යාව මත පදනම් වූ දේශපාලනය

සුප්‍රකට භෞතික විද්‍යාඥ නීල්ස් බෝර් තම නිවසේ අශ්ව ලාඩමක් එල්ලා තැබීම සහ නූතන සුපිරි මෝටර් රථවල දෙහි-මිරිස් එල්ලා තැබීම වැනි සිදුවීම් ගෙනහැර දක්වමින් දීප්ති කුමාර ගුණරත්න පෙන්වා දුන්නේ, බුද්ධිමතුන් පවා මිථ්‍යාව වැළඳගන්නේ තමන් එය විශ්වාස නොකළද ‘වෙනත් කෙනෙකු එය විශ්වාස කරනවා’ යන පදනම මත තම විශ්වාසය ‘අනෙකා’ (The Other) වෙත පැවරීමෙන් බවයි.

 ලාංකේය දේශපාලනයේද ඡන්දදායකයන් ක්‍රියාකරන්නේ මෙම මනෝභාවය මතය. තමන් ඡන්දය දෙන දේශපාලනඥයා පංචසීලය නොරකින, සදාචාර විරෝධී හෝ දූෂිත අයෙකු බව හොඳින්ම දැන සිටියද, ‘ඔහු රට හෝ ආගම බේරාගනු ඇත’ යන මනඃකල්පිත විශ්වාසය ඔහු මත පටවමින් ජනතාව තර්කයට පටහැනිව ක්‍රියාකරති. මිනිස් සමාජය මෙහෙයවනු ලබන්නේ සැබෑ විද්‍යාත්මක දැනුමෙන් නොව, තමන් ආරක්ෂා කරනු ඇතැයි සිතන මෙවැනි අවිඥානික මිථ්‍යා විශ්වාසයන් මඟිනි.

චන්ද්‍රිකාගේ ‘අවලස්සන තාරාවා’ සහ පුනරාවර්තනයේ උගුල

මනෝවිශ්ලේෂණයේ ප්‍රධාන සංකල්පයක් වන ‘පුනරාවර්තනය’ (Repetition) හෙවත් එකම වැරැද්ද නැවත නැවත සිදුකිරීම පිළිබඳ විග්‍රහ කරමින්, චන්ද්‍රිකා බණ්ඩාරනායකගේ ස්වයං චරිතාපදානයෙන් නිදසුනක් ගෙනහැර දැක්විණි. ළමා වියේදී තම සහෝදර සහෝදරියන්ට සාපේක්ෂව තමන් ‘අවලස්සන තාරා පැටියා’ (Ugly Duckling) සේ දෙමාපියන්ගේ ආදරයෙන් කොන්වූ බවට ඇය තුළ ගොඩනැගුණු අභ්‍යන්තර ෆැන්ටසිය, ඇය ජනාධිපති ධුරයට පත්වූ පසුවද රාජ්‍ය තාන්ත්‍රික අමුත්තන් හිතාමතා ප්‍රමාද කරවීම වැනි නොදැනුවත් චර්යාවන් හරහා යළි යළිත් මතු වූ බව දීප්ති කුමාර ගුණරත්න පෙන්වා දෙයි.

සාමාන්‍ය මිනිසුන් අසාර්ථක ප්‍රේම සබඳතාවලින් හෝ විවාහයන්ගෙන් මිදී යළිත් එවැනිම විනාශකාරී සහකරුවන් සොයා යන්නේද, සාර්ථකත්වයේ හිණිපෙත්තටම ගිය පුද්ගලයන් ක්ෂණිකව සියල්ල විනාශ කරගන්නේද, අතීතයේ තමන් ලැබූ වේදනාව නැවත නිපදවාගැනීමට අවිඥානය නිරන්තරයෙන් ගන්නා මෙම පුනරාවර්තන පෙළඹවීම නිසාය.

‘වෙල්නස්’ මායාව, ෆයිට් ක්ලබ් සහ ආත්ම ගවේෂණයේ විමුක්තිය

නූතන ධනවාදී වෙළඳපොළ විසින් ප්‍රවර්ධනය කරන ‘යහපැවැත්ම’ (Wellness), සතුට පසුපස හඹායාම සහ මතුපිට සාර්ථකත්වයේ න්‍යායපත්‍රය මිනිසා පද්ධතියේ රූකඩයක් බවට පත්කර ඇති බව දීප්ති කුමාර ගුණරත්න දැඩි විවේචනයට ලක්කළේය. පද්ධතියට පමණට වඩා අනුගත වී (Aligned) ජීවත්වන මිනිසුන් තුළ පසුව දැඩි ආතතියක් හා විශාදයක් හටගන්නා අතර, ‘ෆයිට් ක්ලබ්’ (Fight Club) චිත්‍රපටයේ මෙන් තමන් විසින්ම තමන්ට පහරදී විනාශ කරගන්නා කැරැල්ලක් නිර්මාණය වන්නේ ඒ හේතුවෙනි.

හඳුන්කූරු පත්තු කරමින් හෝ පන්සල් ගානේ යමින් බාහිරින් සැනසීම සෙවීම වෙනුවට, ජර්මානු දාර්ශනික හේගල්ගේ ‘ආත්මයේ සංසිද්ධිවේදය’ (Phenomenology of Spirit) පෙන්වා දෙන පරිදි, තමන් කවුරුන්දැයි තමන් තුළින්ම විමසා බලන ගැඹුරු ‘ආත්ම ගවේෂණයක’ (Self-study) යෙදීමෙන් පමණක් මිනිසාට තම අවිඥානික විනාශකාරී චක්‍රයෙන් සැබෑ විමුක්තියක් ලබාගත හැකි බව ඔහු අවසන් වශයෙන් කියා සිටියේය.

Ideas front වෙනුවෙන් 'ගරාජ් ප්‍රඩක්ෂන් හවුස්' විසින් නිෂ්පාදනය කරන 'ස්මාර්ට් කැෂුවල්' රුපවාහිනී වැඩසටහන සෑම අඟහරුවාදා දිනකම රාත්‍රී 9.30 ට TV සුප්‍රීම් රුපවාහිනිය ඔස්සේ විකාශය කෙරෙන අතර ඊට සමගාමිව ඩයලොග් TV ( 12 )  හා පියෝ TV  ( 122) නාලිකා ඔස්සේ විකාශය වේ,

 

  

whatsapp 202507155

The Leader • WhatsApp නිල සේවාව

අපගේ නිල WhatsApp සමූහයට එක්වන්න

නවතම සහ උණුසුම් පුවත්, විශේෂ විමර්ශන වාර්තා ක්ෂණිකව ඔබගේ දුරකථනයටම ලබාගැනීමට The Leader WhatsApp සමූහය හා අදම එක්වන්න.

The Leader • අප ගැන

Theleader.lk යනු ශ්‍රී ලංකාව තුළ සහ ජාත්‍යන්තර ඩයස්පෝරාව අතර ක්‍රියාත්මක වන ප්‍රවෘත්ති සහ කාලීන විශේෂාංග පළ වන ප්‍රමුඛතම වෙබ් පුවත් පර්යන්තයකි. නවතම සහ කාලීන පුවත් මෙන්ම දේශපාලන තොරතුරු සිය පාඨකයන් හට දිනපතා ඉදිරිපත් කරනු ලබයි.

තව කියවන්න (Read More)→

Discussion (0)

Join the Conversation

Register as a reader to share your comments, react to analysis, and join discussions on The Leader stories.

Loading discussion...