විමල් - බැසිල් ගැටුමේ 'බලු කතා'!

 

ඔහු එබව සඳහන් කළේ, ශ්‍රීලනිප මුලස්ථානයේ පසුගියදා පැවති 'විමල් කණ්ඩායමේ' රැස්වීම සම්බන්ධයෙන් ශ්‍රිලනිප මහ ලේකම් දයාසිරි ජයසේකර විසින් සිදුකර තිබු ප්‍රකාශයට ප්‍රතිචාර දක්වමිනි.

 

'ආණ්ඩුවට සහාය ලබා දෙන ඇතැම් පක්ෂවලට අධිපති මතවාදයට යටවෙන්න සිදුවී ඇති බව'' ශ්‍රීලනිප මහ ලේකම්වරයා පවසා තිබිණ. 

 

ගෝටාබය රාජපක්ෂ ජනාධිපති ධුරයට පත් කිරීමටත් ඉන් අනතුරුව ආණ්ඩුවට තුනෙන් දෙකේ බලයක් ලබා දීමටත් සහාය ලබා දුන් පක්ෂවලට අඩු සැලකිලි ලබාදෙමින් සිටින බවද දයාසිරි ජයසේකර පවසයි.

 

“ආණ්ඩුවට සහාය ලබා දෙන පක්ෂ හයවෙනි වතාවටයි මේ රැස් වුනේ. අපි මුල්ම රැස්වීම තිබ්බේ විමල් වීරවංස ඇමති තුමාගේ නිවසේ. ගෝටාබය මහත්තයා පත් කරන්නත් ආණ්ඩුවට තුනෙන් දෙක ගන්නත් උදව් කළේ මේ පක්ෂ. දැන් අපිට අඩු සැලකිලි. මේ ප්‍රශ්නය විසඳෙන තුරු මම මේක හැම තැනම කියනවා” ජයසේකර වැඩිදුරටත් කියා සිටියේය.

 

  

කෙසේවුවද ඇමති රෝහිත අබේගුණවර්ධන ගේ ප්‍රකාශය සම්බන්ධයෙන් අදහස් දැක්වූ වාසුදේව නානායක්කාර ඇමතිවරයා පැවසුයේ, එම පක්ෂ සාකච්ඡා කළේ පළාත් සභා පනත තම පක්ෂවලට බලපාන ආකාරය පිළිබඳව පමණක් බවයි.

 

 

පසුගිය කාලයේ නිවී තිබුණු දේශපාලනය යළිත් වතාවක් රත් වෙමින් තිබෙන ආකාරයක් මේ වන විට සිදුවන සිදුවීම් හරහා දැකගන්නට තිබේ. 

 

පළාත් සභා මැතිවරණය පවත්වන බවට පසුගිය සති කිහිපය පුරාම ආණ්ඩුව ඇතුළේ සාකච්ඡාවක් මතුවෙමින් පැවතීම මෙම උණුසුමට හේතුවී තිබේ.

 

 

  

මේ සම්බන්ධයෙන් සති අන්ත පුවත්පතක් වාර්තා කර ඇත්තේ,  ආණ්ඩුව පළාත් සභා මැතිවරණය පැවැත්වීමට තවත් කල් මරමින් සිටින බවයි.

 

 මේ වන විට ආණ්ඩුව සම්බන්ධයෙන් ගම් මට්ටමේ එතරම් හොඳ ප්‍රතිචාරයක් නොතිබීමත්, පළාත් සභා මැතිවරණයට එරෙහිව ආණ්ඩුවට සහාය දැක්වූ ප්‍රධාන පෙළේ ස්වාමීන් වහන්සේලා පහළොස් නමක් දැඩි විරෝධය පළ කරමින් ජනාධිපතිවරයාට ලිපියක් යොමුකර තිබීමත් ඒ සඳහා බලපා ඇති බවක්ද එම පුවත්පත් වාර්තාවේ වැඩි දුරටත් සඳහන් වේ.