වැඩි කාලයක් පැවැත්වුනා. ජනාධිපතිවරයා මෙහිදී දීර්ඝ කතාවක් කළා කියල තමයි ආරංචි වෙන්නේ.
“ජනාධිපතිවරණයෙන් අපි විශාල ජයග්‍රහණයක් ලැබුවා. ඒ ජයග්‍රහණය ඇතුලේ තිබුණේ මේ රටේ බහුතර ජනතාවගේ බලාපොරොත්තු. නමුත් කොවිඩ් වංසගතය නිසා අපි ඉලක්ක කරගත් ඒ බලාපොරොත්තු ඉදිරියට සම්පූර්ණ වශයෙන් ගෙනියන්න බැරි වුණා. සුළු වශයෙන් අපිට අරමුණු කරා ළගා වෙන්න පුළුවන් වුණේ. සමස්ත රජයක් කළ යුතු වැඩ කොටසක් සුළු පිරිසක් එක්ක තමයි කොවිඩ් නිසා ඉටු කරන්න සිද්ධ වුණේ. නමුත් දැන් තත්ත්වය වෙනස්.
නව සාමාන්‍යකරණයට හුරු වෙමින් අපි සියලු අභියෝග මැඩ පවත්වාගෙන ඉස්සරහට යන්න ඕන.
පසුගිය කාලයේ මගෙනුත් අඩුපාඩු වෙන්න ඇති. ඇමතිවරු හැටියට ඔය අයගෙනුත් අඩුපාඩු සිදු වෙන්න ඇති. අපි ඒ පිළිබඳව ස්වයං විවේචනයක් සහිතව ඉස්සරහට යමු. යම් යම් අනවබෝධයන් තුළින් වුණු අඩුපාඩු මඟහැර ගත යුතුයි. එකතු වෙලා වැඩ කරමු දැන්. එක අධිෂ්ඨානයකින් එක ශක්තියකින් අපිට වැඩ කරන්න පුළුවන්. පසුගිය කාලය දෙස බලලා අඩුපාඩු හදාගෙන ඉදිරියට යෑම ඉතා වැදගත්.
ඉදිරි අවුරුදු 3 ජනතාව දුන්න ජනවරම දෙස වගේම ජනතාවට අපි දුන් බලාපොරොත්තු ඉතා නිවැරදිව ඉලක්ක සහගතව පෙරට ගන්න ඕන”. ජනාධිපතිතුමා එක දිගට කියාගෙන ගිහින්.
ජනාධිපතිතුමාගේ මේ දේශනය සියලු දෙනා දැඩි උනන්දුවකින් අහගෙන ඉඳලා. ඇමති මණ්ඩලයම සංවේදී වෙලා.
ඊට පස්සේ බැසිල් රාජපක්ෂ මුදල් ඇමතිතුමා කතාව පටන් අරන්.
“ජනාධිපතිතුමනි, ඇමතිවරුනි, අපෙනුත් අඩුපාඩු වෙන්න ඇති. ඒ නිසා හිත් රිදවීම් වෙන්න ඇති. ජනාධිපතිතුමා කිව්වා වගේ අපි ඒ සියල්ල අමතක කරලා එක කණ්ඩායමක් හැටියට ඉස්සරහට යන්න අපිට පුළුවන්. පොදුජන පෙරමුණ මේ ආණ්ඩුව හදන්න ප්‍රමුඛ කාර්යයක් කළා. නමුත් ඒ සියල්ල එක අරමුණක් වෙනුවෙන් බව අපි හැමෝම දන්නවා.
දේදුන්නක් වුණත් ලස්සන වෙන්නේ පාට පාට එක් වුණාම. ඒ නිසා අපි හැමෝම එකාවන්ව ඉස්සරහට ගිහින් ආණ්ඩුව ගැන ජනාධිපතිතුමා ගැන යම් හෝ කණ්ඩායමක් හෝ පුද්ගලයෙක් බලාපොරොත්තු අතහැර ගෙන තිබුණානම් එය අපි නිවැරදි කරමු”.
ඊටපස්සේ කතාකරලා තියන්නේ විමල් වීරවංශ ඇමතිතුමා.
“ඔව් ජනාධිපතිතුමනි, අපෙනුත් වැරදි අඩුපාඩු වෙන්න ඇති. කොවිඩ් වසංගතය සහ පැවති තත්ත්වයන් එක්ක හැමෝම හිටියේ කලබල වෙලා. අපි ඒවා නිවැරදි කරගමු. සාමූහිකව මේ ගමන ගියොත් අපේ කකුලෙන් අදින්න කකුල් මාට්ටු දාන්න කිසි කෙනෙකුට හැකි වෙන්නේ නෑ. අපි එක්ව ජයගමු. මේක අපි හැමෝම හදපු ආණ්ඩුව. ඒ නිසා අපි හැමෝටම වගකීමක් තියෙනවා මේ ආණ්ඩුව රැකගන්න. ඒ වගේම ජනතාවගේ බලාපොරොත්තු ඉටු කරන්න”.
ඊට පස්සේ ඩලස් අලහප්පෙරුම ඇමතිතුමා වගේම මහින්දානන්ද අලුත්ගමගේ ඇමතිතුමාත් කියලා තියන්නේ , අද කැබිනට් සාකච්ඡාව ඉතා හොඳ තැනකට ආපු බව. සම්පූර්ණ ජවයෙන් ඉදිරි අවුරුදු තුන වැඩ කරලා ආණ්ඩුවත් ජනතාවත් ආරක්ෂා කරන වැඩපිළිවෙළකට යමු කියලා ඒ දෙන්නත් කියල.
අධිෂ්ඨානශීලිව රටත් ජනතාවක් දිනන ගමන ආරම්භ කරමු කියලා සියලු දෙනා ඒකමතික අදහසකට ඇවිත් සතුටින් විසිර ගිහින් .
මේ කතාව මෙඝා ටෙලියක අපිසොඩ් එකක් නම් නෙමෙයි. ඊයේ කැබිනට් එකේ සිදුවුනැයි කියන කතාබහක්.
THE LEADER TV
ලොකුගේ වාසු කැබිනට්ටුවේ ඇරගනී!
කුරුණෑගලටත් අබ සරණයි