චින්තන ධර්මදාස විසින් තමන්ගේ faculty of sex වෙබ් අඩවිය ඔස්සේ අන්තර්ජාලයට මුද හැර තිබෙනවා.
උදය ධර්මවර්ධන සහ චින්තන ධර්මදාස යන දෙදෙනා විසින් 2010 වසරේදී නිර්මාණය කළ මේ චිත්‍රපටය මෙසේ මුදහැරීම සම්බන්ධයෙන් නිර්මාණකරුවන් දෙදෙනා අතර පවතින්නේද මතභේදාත්මක තත්වයක්.
මෙය අනවසරයෙන් youtube නාලිකාවකට හදිස්සියෙම අප්ලෝඩ් කර තිබුනු අතර චින්තන ධර්මදාස විසින් එයට ස්තුතිය පල කරද්දී උදය ධර්මවර්ධන විසින් එයට එරෙහිව පැමිනිලි කර තිබුනි.
චින්තන ධර්මදාස විසින් මේ චිත්‍රපටය තමන්ගේ වෙබ් අඩ්වියෙන් මුදාහරින්නේ ඉන් අනතුරුවයි.
ඒ සමග ඔහු මෙවන් ෆේස්බුක් සටහනක් තබා තිබුනා.
How I Wonder චිත්‍රපටිය නිර්මාණය වෙන්නෙ 2010දි. ඒ කියන්නෙ මීට අවුරුදු 16ට කලින්. ඒ චිත්‍රපටිය කලේ පොදු අරමුණක් ඇතුවයි. ඒ අරමුණ වුනේ සම්මත සිනමා ව්‍යාකරණය, ප්‍රදර්ශනය ආදී සියලු අංශ ප්‍රශ්න කරමින් විකල්ප සිනමාවක් නිර්මාණය කිරීමයි. මේ චිත්‍රපටියට සමාන්තරව ඒ වෙනුවෙන් පොතක් ලියවුනා. ‘සිනමාව ඔබම වීම’ තමයි ඒ පොතේ නම. ඒකෙ තියෙනවා මාත් උදයාත් සමග කළ සංවාදයක්.
චිත්‍රපටිය පෙන්නන්නෙ කොහොමද?
අපේ චිත්‍රපටිය ලංකාවෙ පොදු මහත් ප්‍රේක්ෂකයා වෙනුවෙන් හදපු එකක් නෙමෙයි. ඒක බලන්න සහ විඳින්න යම් කිසි ශික්ෂණයක් අවශ්‍යයි. නාගරික මානසිකත්වයක් අවශ්‍යයි. ඒක හින්දම අපේ චිත්‍රපටිය negative වලට පුච්චලා හෝල්වලට දාන එකේ තේරුමක් නෑ. සහ ඒකෙන් අපිට අවශ්‍ය කරන dialog එක හැදෙන්නෙ නෑ. ඒ වෙනුවට අපි තෝර ගත්තා ඉතා කුඩා කණ්ඩායම්වලට ප්‍රදර්ශන සංවිධානය කරන්න. එතකොට චිත්‍රපටියත් එක්ක ප්‍රේක්ෂකයාගේ සම්බන්ධය ළගයි. අනික ප්‍රේක්ෂකයයි අපියි අතර සම්බන්ධයත් ගොඩක් ළගයි. ඒ විදිහට අපි උත්සාහ කරනවා අලුත් ප්‍රේක්ෂක පරම්පරාවක් එක්කවඩාත් හෘදයාංගම සංවාදයකට යන්න. මේක අපි විතරක් කරපු පුද්ගලික ව්‍යාපෘතියක් නෙමෙයි. මේක අපි වගේ අලුතෙන් චිත්‍රපටි හදන්න ඉන්න ගොඩක් උන් වෙනුවෙන් කරපු වැඩක්. මේ ව්‍යාපෘති‍යෙ සාර්ථක හෝ අසාර්ථක වීම බලපාන්නෙ අපිට විතරක් නෙමෙයි. අපි විතරක් නම් කීප දෙනෙක්නෙ. මොකක් වුනත් මොකද? ඒත් මේක විකල්පයක් විශ්වාස කරන අලුත් ප්‍රකාශනයක් සමාජගත කරන්න උත්සාහ කරන හැම කෙනෙකුටම බලපාන යතාර්ථයක්. ඒක හින්ද අපි වැඩ කරන්නෙ පොදු සිහිනයක් වෙනුවෙන් කියලයි අපි හැමතිස්සෙම හිතන්නෙ.
(උපුටාගැනීම අවසන්)
ඉතින් මේ චිත්‍රපටය ලංකාවෙ සිනමාව ගැන උනන්දුවක් දක්වන හැමෝටම අද ඉඳන් Faculty of S# වෙබ් අඩවියෙන් නරඹන්නට හැකිය. මේ චිත්‍රපටිය මගින් තවත් බොහෝ දෙනෙකුට චිත්‍රපට නිර්මාණය කිරීමේ උනන්දුව සහ ආශාව උද්දීපනය වේවාය යන්න මෙහි ඒකායන අරමුණය. මෙමගින් අපේක්ෂා කරන වෙනත් කිසිදු ආකාරයක වාණිජමය ලාභයක් හෝ ප්‍රයෝජනයක් හෝ නොමැත්තේමය.
