හැබැයි අපේ රටේ බොහෝ දෙනෙක් පුරුදු වෙලා ඉන්නේ කාමරේ ලයිට් ඔක්කොම නිමලා, කළුවරේ අතපත ගාන "හොරෙන් කරන" වැඩක් වගේ රති ක්‍රීඩාවේ යෙදෙන්න. යුරෝපය වැනි දියුණු සංස්කෘතීන්වල ලිංගිකත්වය කියන්නේ තමන්ගේ සහකරුගේ සිරුරේ සුන්දරත්වය ඇස් දෙකෙන් දැකලා රස විඳින කලාවක්. ඝන අඳුර වෙනුවට, ලා රෝස, නිල් හෝ ඉටිපන්දමක "අඩ අඳුර" (Dim Light) ලිංගික උද්දීපනය සහ සතුට දෙගුණ තෙගුණ කරන බව මනෝවිද්‍යාවේදී පවා පිළිගන්නවා.
අපේ මේ සාම්ප්‍රදායික ලිංගික රටාවන් මීට වඩා සුන්දර සහ විවෘත තැනකට ගෙන යා යුතුයි. අඩ අඳුරේ මැජික් එකත් එක්කම, ඔබේ ශෘංගාර ජීවිතය උඩුයටිකුරු කරන්න පුළුවන් තවත් අපූරු රහසක් තියෙනවා. ඒ තමයි "Pillow Talk" එහෙමත් නැත්නම් ඇඳ අද්දර රහස් කතාබහ.
ලිංගික එක්වීමකට පෙර සහ විශේෂයෙන්ම ඉන් පසුව, දෙදෙනාගේ සිරුරු තවමත් උණුසුම්ව තිබියදී කෙඳිරිලි හඬින් කෙරෙන මේ කතාබහට පුදුමාකාර මැජික් එකක් කරන්න පුළුවන්. බටහිර මනෝවිද්‍යාත්මක පර්යේෂණවලින් පවා තහවුරු කරලා තියෙන්නේ, ලිංගිකත්වයෙන් පස්සේ සහකරු හෝ සහකාරිය තදින් වැළඳගෙන, සිපගනිමින් විනාඩි කිහිපයක් සැහැල්ලුවෙන් කතාබහ කිරීමෙන් ශරීරය තුළ ඔක්සිටොසින් (Oxytocin) කියන ‘ආදර හෝමෝනය’ උපරිමයෙන් ශ්‍රාවය වන බවයි. සිරුරු එකතු වීමටත් වඩා, අඩ අඳුරේ එකිනෙකාගේ දෑස් දකිමින් කෙරෙන මේ මොහොතේ බැඳීම අතිශයින්ම ප්‍රබලයි.
ඇත්තටම මොනවද මේ Pillow Talk එකේදී කතා කරන්නේ?
දේශපාලනය, බිල්පත් හෝ ප්‍රශ්න ගැන කතා කරන්න මේක වෙලාව නෙවෙයි. අඩ අඳුරේ ඔබේ සහකරුගේ පපුවට හිස තබාගෙන, නැත්නම් ඇගේ කෙස් රොදක් සමඟ සෙල්ලම් කරමින් ඉතාම හෙමින් මුමුණන්න. ඇගේ හෝ ඔහුගේ සිරුරේ ඔබ වඩාත්ම ආශා කරන, ඔබව උද්දීපනය කරන තැන් ගැන රහසින් කියන්න. මුලින්ම එකතු වුණු දවසේ දැනුණු ගැස්ම, නැත්නම් හෙට උදේට දෙන්නත් එක්ක ඇඳට වෙලාම බොන්න ආස කෝපි එකක් ගැන හීන මවන්න.
ලැජ්ජාව, බය හෝ වරදකාරී හැඟීමක් නැතුව තමන් ලිංගිකව ආශා කරන දේවල් විවෘතව බෙදාගන්න. ශෘංගාරයේ උපරිම සතුට ළඟා වෙන්නේ සිරුරු එකතු වීමට පෙර සහ පසු ව සිත් එකතු වූ විටයි.
ඒ නිසා, මේ සති අන්තයේ කාමරය මුළුමනින්ම කළුවර කරන්නේ නැතුව, ලස්සන අඩ අඳුරක් මවාගන්න. හදිසි නොවී ඔබේ සහකරුව පපුවට තද කරගෙන, ඒ ආලෝකය මැද ලස්සන 'Pillow Talk' එකක් පටන් ගන්න. ජීවිතය කොයිතරම් සුන්දරද, ආදරය කොයිතරම් රසවත්ද කියලා ඔබටම දැනේවි!
( සටහන | සාරා දිසානායක)
