මධ්‍යම පළාත්බද සිවිල් අභියාචනා මහාධිකරණ වත්මන් විනිසුරු රුවන් ධම්මික දිසානායක විසින් මෙම නියෝගය ප්‍රකාශයට පත් කරන ලදී.
සිරදඬුවමට අමතරව වින්දිත දරුවාට රුපියල් ලක්ෂ 5ක වන්දි මුදලක් ගෙවන ලෙසත්, එය පැහැර හැරියහොත් තවත් වසර දෙකක සිරදඬුවමක් ද අධිකරණය විසින් නියම කළේය. එමෙන්ම චෝදනා දෙකට රුපියල් 3,000ක දඩයක් ද, එය නොගෙවන්නේ නම් තවත් වසරක සිරදඬුවමක් ද නියෝගයට ඇතුළත් වේ.
උසාවිය මඟහැර පලාගිය විත්තිකරු
මෙම නඩුව විභාග වන අවස්ථාවේදී විත්තිකාර හිමිනම දිගින් දිගටම අධිකරණය මඟහැර පලාගොස් සැඟව සිටි බැවින්, විත්තිකරු නොමැතිවම නඩු විභාගය පවත්වා තීන්දුව ප්‍රකාශයට පත් කෙරිණි.
මේ වනවිට විත්තිකාර හිමිනම වහාම අත්අඩංගුවට ගෙන ඉදිරිපත් කරන ලෙස ගලෙන්බිඳුණුවැව පොලිස් ස්ථානාධිපතිවරයාට නියෝග කරමින් විවෘත වරෙන්තුවක් ද නිකුත් කර ඇත.
මංකොල්ලකරුවෙකු මහණ වී කළ අපරාධය
දෙමාපියන් විසින් සිය දරුවාට යහපත් අධ්‍යාපනයක් ලබාදීමේ අරමුණින් විහාරස්ථානයට භාර දී තිබියදී, 2015 වසරේ මැයි මාසයේදී අවස්ථා දෙකකදී මෙම අපයෝජනය සිදුකර තිබේ.
නඩු විභාගයේදී අනාවරණය වූ සුවිශේෂී කරුණක් වන්නේ, මෙම හිමිනම පැවිදි වීමට පෙර ගිහි ජීවිතයේදී ගෙවල් බිඳීම් සහ මංකොල්ලකෑම්වලට අදාළව අධිකරණයෙන් පෙර වැරදි දෙකක් සහිත, අත්හිටවූ සිරදඬුවම් ලැබූ පුද්ගලයෙකු බවයි.
පැමිණිල්ල වෙනුවෙන් රජයේ අධිනීතීඥ චමික ගුරුගේ පෙනී සිටි අතර ගලෙන්බිඳුණුවැව පොලිසිය විසින් විමර්ශන මෙහෙයවා තිබිණි.
