ඔහු මෙහිදී ජාත්‍යන්තර කම්කරු සමුළුව හමුවේ ශ්‍රී ලංකාවේ ප්‍රකාශය (Country Statement) ඉදිරිපත් කිරීමට නියමිතය.
එමෙන්ම, හෙට පස්වරුවේ ඉන්දීය කම්කරු හා රැකියා අමාත්‍යවරයා සමඟ ද්විපාර්ශ්වික සාකච්ඡාවක නිරත වීමට ද කටයුතු සැලසුම් කර ඇත.
අමාත්‍යවරයා සිය සංචාරයේ පළමු රාජකාරි දිනය වූ පසුගිය සඳුදා, 'Palais des Nations' හි පැවති මහා සභා රැස්වීමට සහභාගී වූ අතර, එදිනම පස්වරුවේ ජාත්‍යන්තර කම්කරු සංවිධානයේ (ILO) අධ්‍යක්ෂ ජනරාල්වරයා සමඟ විශේෂ සුහද හමුවක ද නිරත විය.
අමාත්‍යවරයා ASPAG කලාපීය කම්කරු අමාත්‍යවරුන්ගේ හමුවට අද (09) සහභාගී වූ අතර, අනතුරුව ජිනීවා හි එක්සත් ජාතීන්ගේ සංවිධානයේ ශ්‍රී ලංකා තානාපති සහ නිත්‍ය නියෝජිත සුමිත් දසනායක විසින් පවත්වනු ලබන විශේෂ දිවා භෝජන සංග්‍රහයකට ද සහභාගී විය.
මෙම සංචාරයේ විශේෂම අවස්ථාව ලෙස හෙට (10) වනදා, අමාත්‍යවරයා විසින් ජාත්‍යන්තර කම්කරු සමුළුව හමුවේ ශ්‍රී ලංකාවේ ප්‍රකාශය (Country Statement) ඉදිරිපත් කිරීමට නියමිතය.
එමෙන්ම,හෙට පස්වරුවේ ඉන්දීය කම්කරු හා රැකියා අමාත්‍යවරයා සමඟ ද්විපාර්ශ්වික සාකච්ඡාවක නිරත වීමට ද කටයුතු යොදා තිබේ.
සියලු නිල කටයුතු නිම කිරීමෙන් අනතුරුව අමාත්‍යවරයා ජූනි 11 වන බ්‍රහස්පතින්දා දින පෙරවරුවේ ජිනීවා නුවරින් පිටත්ව යළි කොළඹ බලා පැමිණීමට නියමිතය.
(සටහන | ජේ.මුණසිංහ)
