තිබෙන සමුහ ඝාතන දෙකක් නැගෙනහිර පළාතේදී අනුස්මරණය කර තිබේ.
ඝාතනයට ලක් වු දෙසිය තිහකගේ නම් සදහන් කරමින් මඩකලපුව කොක්කඩිචෝලේහි මහිලඩිතිව් හි ස්ථාපිත කර තිබෙන ස්මාරකය අභියසදී දෙමළ ජාතික ජනතා පෙරමුණේ නායක පාර්ලිමේන්තු මන්ත්‍රී ගජේන්ද්‍ර කුමාර් පොන්නම්බලම් ඇතුළු පිරිසකගේ සහභාගිත්වයෙන් පහන් දල්වමින් ජුනි 12 වැනිදා අනුස්මරණය කර ඇත්තේ 1987 වසරේ ජනවාරි මසදී සහ 1991 වසරේ ජූනි මසදී කොක්කඩිචෝලේ ග්‍රාමයේදී රජයේ ආරක්ෂක අංශ අතින් ඝාතනය වු සාමාන්‍ය වැසියන්ය.
මඩකලපු දිස්ත්‍රික්කයේ, කොක්කඩිචෝලේ ගම්පියස ගොවිතැන, ධීවර කර්මාන්තය හා ඉස්සන් ඇතිකිරීම තම ජීවනෝපාය කරගත් ජනතාවගේ වාසභූමියකි.
ප්‍රදේශවාසීන් පවසන පරිදි 1987 වසරේ ජනවාරි 29 වැනිදායින් ඇරඹී දින තුනක් පුරා තම ගමට එල්ල වූ ලංකාණ්ඩුවේ හමුදාවන්ගේ, තෙරක් නැති ගිනි අවි ප්‍රහාරයන්ට ලක්වීමට ගම්වාසීන්ට සිදුව තිබේ.
අනතුරුව කොන්ඩවට්ටුවාන්, කළුවන්චිකුඩි, වෙල්ලවේලි හා කල්ලඩි කදවුරු වලින් පැමිණි හමුදාවෝ ට්‍රක්රථ හා හෙලිකොප්ටර් යානා යොදාගෙන ගමට ඇතුල් වී තිබේ.
වයස අවුරුදු 14 සිට 40 දක්වා වූ ගම් වැසියන් ඔවුන් විසින් පැහැරගනු ලැබූ අතර ඉන් වැඩි පිරිසක් ඝාතනය කළ කළ බවට ප්‍රදේශවාසීන් චෝදනා කරති.
කොක්කඩිචෝලේ මහිලඩිත්තිව් හි ඉස්සන් ගොවිපල ක්‍රියාත්මක වී ඇත්තේ ඇමරිකා එක්සත් ජනපදයේ ආධාර යටතේය.
කම්කරුවන් විශාල පිරිසක් එහි රැකියාවේ නිරතව වී තිබෙන අතර 1987 ජනවාරි 28 දා ඝාතනයට ලක්වුවන් අතර මෙම ඉස්සන් ගොවිපලේ සේවය කළ කම්කරුවෝ ද වෙති.
ප්‍රදේශවාසීන් චෝදනා කරන්නේ කොක්කඩිචෝලේ පිහිටි සහල් මෝලේ රැකවරණය ලැබූ 24 දෙනකුද හමුදාව විසින් වෙඩි තබා ඝාතනය කළ බවයි.
එසේ ඝාතනයට ලක්වූවන් අතරින් 12 දෙනකු 12 වැනි වියේ පසුවුවන් ය.
1991 සමුල ඝාතනය
කොක්කඩිචෝලේ පළමු සමුහ ඝාතනයෙන් පස් වසරක් සපිරෙන්නටත් මත්තෙන් යළිත් වරක් රජයේ ආරක්ෂක අංශ විසින් එම ග්‍රාමයේ 1991 වසරේදී සමුහ ඝාතනයක් සිදු කර තිබේ.
ගම්වැසියන් පවසන්නේ 1991 ජූනි 12 වැනිදා හමුදාව කොක්කඩිචෝලේ සහල් ඇඹරුම් මෝලකට ඇතුළු වී එහි සේවයේ නියුතුව සිටි කම්කරුවන් 17 දෙනා මරා දමමින් සහල් මෝල ගිනිබත් කළ රජයේ ආරක්ෂක හමුදාව එදිනම අවට නිවාස 400 කටද හානි සිදු කර තිබේ. කාන්තාවන් හය දෙනකු ලිංගික ප්‍රචණ්ඩතාවට ගොදුරු වූ බවද ගම්වැසියෝ පවසති.
ප්‍රදේශවාසී ජනතාව පවසන පරිදි එම විනාශයේ දී විශාල පිරිසක් රජයේ හමුදාව අතින් ඝාතනය වී තිබේ.
ඔවුන්ගේ සිරුරු ටයර් යොදා හමුදාව විසින් පුළුස්සා දමා තිබේ.
ආරක්ෂක අංශ වෙත එල්ලවන මෙම චෝදනා රජය විසින් ප්‍රතික්ෂේප කළ ද, ඒ බව තහවුරු කිරීම සඳහා කිසිදු නීතිමය පියවරක් මේතාක් ගෙන නැත.
ජුනි 12 වැනිදා අනුස්මරණය
