එහි මාර්ග ආරක්ෂාව පිළිබඳ ජාතික සභාවේ සභාපති මංජුල කුලරත්න පැවසුවේ, කෙසේ වුවද පාසැල් බස් රථ, කාර්යාල සේවා ප්‍රවාහන බස්රථ, විනෝද චාරිකා බස් රථ සහ අනෙකුත් බස් රථ සඳහා ආසන පටි සැකසීමට මාස 3 ක පමණ කාලයක් ලබාදී ඇති බවයි.
ඉදිරියේදී දුරගමන් සේවා බස් රථ සඳහා ද ආසන පටි පැළදීම අනිවාර්ය කිරීමට සැලසුම් කර ඇතැයි අමාත්‍ය බිමල් රත්නායක සඳහන් කළේ ය.
රියදුරන් සහ මගී ජනතාව දැනුවත් කිරීමේ වැඩසටහන්
රථවාහන ආසන පටි පැළදීමේ නීතිය දැඩි ලෙස ක්‍රියාත්මක කිරීමට පොලීසිය පියවර ගෙන ඇත.
වාහන ආසන පටි පැළදීම පිළිබඳ රියදුරන් සහ මගී ජනතාව දැනුවත් කිරීමේ වැඩසටහන් පසුගිය සති කිහිපය තුළ දීප ව්‍යාප්තව සංවිධානය කර තිබිණ. .
කොට්ටාව අධිවේගී මාර්ග පිවිසුමේ දී පසුගිය අගෝස්තු 25 පැවති වැඩසටහනේ දී ආසන පටි පැළදීමේ වැදගත්කම අවධාරණය කෙරුනේ මෝටර් රථ ධාවන ශූරී ඩිලන්ත මාලගමුව විසිනි.
මාර්ග සංවර්ධන අධිකාරියේ නිලධාරීන් සහ මාර්ග ආරක්ෂාව පිළිබඳ ජාතික සභාවේ නිලධාරීන්ගේ සහභාගීත්වයෙන් දැනුවත් කිරීමේ අත් පත්‍රිකා බෙදාදීම ද මෙහිදී සිදුකෙරින.
