පළාත් බද වාර්තාකරුවන් පවසන්නේ හැටපස් වියැති සාමිතම්බි පාක්‍යරාසා පොලිස් සිර මැරිදිය තුළදී සිය දිවි නසාගෙන ඇති බව අම්පාරේ කාරතිව් පොලීසිය සදහන් කළත් මිය ගිය තැනැත්තාගේ සිරුරේ තුවාල පවතින බව පෙන්වා දෙන ඔහුගේ ඥාතීන් මෙය පොලීසිය විසින් පහර දීමකින් සිදු කරන ලද මරණයක් බවට චෝදනා කරන බවයි.
සමන්තුරේ මුලික රෝහලේ තැන්පත් කර තිබු දරුවන් හය දෙනකුගේ පියකු වන සාමිතම්බි පාක්‍යරාසාගේ මෘත ශරීරය පශ්චාත් මරණ පරීක්ෂණ කටයුතු සදහා අම්පාර රෝහල වෙත යවන ලෙස සමන්තුරේ මහේස්ත්‍රාත්වරයා නියෝග කළ බව පළාත් බද වාර්තාකරුවෝ වැඩි දුරටත් පවසති.
වාරිමාර්ග දෙපාර්තමේන්තුවේ සේවයෙන් විශ්‍රාම ගොස් සිටින කාරතිව් පළමු කොටස, මාදවි පාර ලිපිනයේ පදිංචි කරුවකු වු සාමිතම්බි පාක්‍යරාසා අම්පාර, කාරතිව් පොලීසිය විසින් ජුනි 7 වැනිදා උදෑසන දෙවැනි වතාවටත් අත්අඩංගුවට ගෙන ඇත්තේ 119 හදිසි ඇමතුම් අංකය ලැබුන පැමිනිල්ලක් අනුවයි.
පවුලේ ප්‍රශ්නයක් සම්බන්ධයෙන් ලැබුනු පැමිනිල්ලකට අනුව ඊට දින දෙකකට පෙරදීද පොලිසිය විසින් ඔහු අත්අඩංගුවට ගෙන තිබු බව පළාත් බද වාර්තාකරුවෝ පවසති.
කාර්තිව් පොලීසිය ජුනි 08 වැනිදා සාමිතම්බි පාක්‍යරාසාගේ පවුලේ ඥාතීන්ට දැනුම් දී ඇත්තේ ඔහු ඊට පෙර දිනයේ පොලිස් සිර මැදිරිය තුලදී සිය දිවි තොර කරගෙන ඇති බවයි.
