මීට අදාළව ප්‍රකාශයක් පෞද්ගලික රූපවාහිනි මාධ්‍යකදි කළ පොලිසිය භාර නියෝජ්‍ය අමාත්‍ය සුනිල් වටගල ප්‍රකාශ කළේ පාස්කු ප්‍රහාරයේ මහමොලකරු අද හෙටම අත්අඩංගුවට ගනු ඇති බවයි. ඔහු අන්වර්තනාම පහකින් පෙනී සිට ඇති බවත් හෙතෙම සඳහන් කළේය. sonic යන්න එක් අන්වර්තනාමයක් බවද පැවසු නියෝජ්‍ය ඇමතිවරයා තවත් තොරතුරු බොහෝමයක් ලැබී ඇතත් මේ අවස්ථාවේදී පරීක්ෂණවලට බාධාවන නිසා ඒවා හෙළිදරව් නොකරන බවද කිය.
ඒ අතර තවත් වාර්තාවක සඳහන් වන්නේ සමගි ජන බලවේගය පාර්ලිමේන්තු මන්ත්‍රී එස්.එම් මරික්කාර් විසින් පාස්කු ප්‍රහාරය සම්බන්ධයෙන් සුරේෂ් සලේ පමණක් නොව හිටපු ජනාධිපති ගෝඨාභය රාජපක්ෂ වුවද අත්අඩංගුවට ගතයුතු නම් එය සිදු කළ යුතු යයි ප්‍රකාශ කල බවයි. වත්මන් ආණ්ඩුව බලයට පත්වූයේ පාස්කු ප්‍රහාරයේ මහමොළ කරුවන්ට දඩුවම් කරන බවට ප්‍රතිඥාවක් දී නිසා ආණ්ඩුව ඒ අනුව ක්‍රියා කළ යුතු බවද මන්ත්‍රීවරයා වැඩිදුරටත් කීය.
(lankalokaya.lk | රන්ජිත් ආනන්ද ජයසිංහ)
