මිනිස් ක්‍රියාකාරකම් නිසා දැනටමත් රත් වී ඇති පෘථිවිය, මෙම සාගර උණුසුම නිසා තවදුරටත් දැවී යනු ඇත. ප්‍රතිඵලය වන්නේ 2027 වසර ලොව උණුසුම්ම වසර බවට පත්වීමේ අවදානමයි.
ලංකාවට වැදගත් වෙන්නේ ඇයි?
ගෝලීය කාලගුණයේ මේ පෙරළිය ශ්‍රී ලංකාවට සෘජුවම බලපායි. එල් නිනෝ සක්‍රීය වූ කාලවලදී ලංකාවේ සාමාන්‍ය දේශගුණික රටාව උඩුයටිකුරු වේ. ප්‍රධාන වශයෙන්ම මෙරට උෂ්ණත්වය සාමාන්‍ය මට්ටමට වඩා ඉහළ යා හැක. ඊටත් වඩා බරපතල වන්නේ වර්ෂාපතන රටාව වෙනස් වීමයි. සමහර වසරවලදී මෙයින් දරුණු නියඟ ඇති වූ අතර, තවත් සමහර විට අපේක්ෂිත මෝසම් වැසි ප්‍රමාද වීම හෝ අසාර්ථක වීම සිදු විය හැකිය.
අපේ රටේ බත් පත තීරණය කරන මහා සහ යල කන්නවල වගාවන්ට මෙයින් තදින්ම බලපෑම් එල්ල විය හැක. ජල හිඟය නිසා කුඹුරු පාලුවීමේ සහ වගා බිම් විනාශ වීමේ අවදානමක් පවතී. මෙය වෙළඳපොළේ ආහාර මිල ඉහළ යාමට සෘජුවම බලපායි. අනෙක් අතින්, ප්‍රධාන ජලාශවල ජල මට්ටම පහත වැටුණහොත් ජලවිදුලි උත්පාදනය අර්බුදයකට ලක් වේ. එවිට රට තුළ නැවතත් විදුලි අර්බුදයක් හෝ අධික පිරිවැයක් සහිත තාප විදුලිය මත යැපීමට සිදු විය හැක.
සෑම එල් නිනෝ තත්ත්වයක්ම ලංකාවට එකලෙස බලපාන්නේ නැත. ඉතිහාසයේ සමහර එල් නිනෝ වසරවලදී ලංකාවට සාමාන්‍ය වර්ෂාපතනය ලැබුණු අවස්ථාද තිබේ.
විද්‍යාඥයන් පවසන්නේ අනවශ්‍ය ලෙස බිය විය යුතු නැති මුත්, පූර්ව සූදානම අත්‍යවශ්‍ය බවයි. දේශගුණික විපර්යාස හමුවේ අපේ රටේ ජල කළමනාකරණය, කෘෂිකාර්මික සැලසුම් සහ විදුලිබල උපාය මාර්ග දැන්ම තියාම සකස් කරගත යුතුය.
ශ්‍රී ලංකාවට ඇති වියහැකි බලපෑම
උෂ්ණත්වය:
දිවයින පුරා පවතින උණුසුම් කාලගුණය තවදුරටත් ඉහළ යා හැක.
කෘෂිකර්මාන්තය:
මෝසම් වැසි රටා වෙනස් වීම නිසා යල-මහා කන්නවල අස්වැන්නට තර්ජන එල්ල වේ.
විදුලිබලය:
ජලාශ සිඳී යාමෙන් ජලවිදුලි නිෂ්පාදනය සීමා වීමේ අවදානම.
ආර්ථිකය:
ආහාර මිල ඉහළ යාම සහ ජීවන පිරිවැය කෙරෙහි ඇති විය හැකි බලපෑම.
සබැඳි පුවත් :
ඉදිරියේදී පැමිණිය හැකි 'සුපිරි එල්නීනෝ' අවදානම ගැන සජිත්ගෙන් විශේෂ ප්‍රකාශයක්
එල් නිනෝ (El Niño) යක්ෂයා ලංකාව දෙසට: බඩගින්නයි පිපාසයයි රැකගන්න ආණ්ඩුවෙන් ‘හදිසි යුද සැලසුමක්’!
