මේ සඳහා රියදුරන් සහ මගීන් දැනුවත් කිරීම වෙනුවෙන් ලබා දී තිබූ සහන කාලය ඊයේ (19) මධ්‍යම රාත්‍රියෙන් අවසන් වූ බව මාර්ග ආරක්ෂාව පිළිබඳ ජාතික සභාව සඳහන් කරයි.
ඒ අනුව, අද සිට ක්‍රියාත්මක වන නව රීතීන් මාලාව පහත පරිදි වේ.
සාමාන්‍ය මාර්ගවල ධාවනය වන වාහන:
සාමාන්‍ය මාර්ගවල ධාවනය වන සියලුම වාහනවල රියදුරු මෙන්ම ඉදිරිපස අසුනේ ගමන් ගන්නා මගියා ද ආසන පටි පැළඳීම අනිවාර්ය වේ.
අධිවේගී මාර්ගවල ධාවනය වන වාහන:
අධිවේගී මාර්ගවල ගමන් ගන්නා වාහන සම්බන්ධයෙන් නීතිය වඩාත් දැඩි කර ඇත. එහිදී රියදුරු සහ ඉදිරිපස මගියාට අමතරව, පසුපස අසුන්වල ගමන් ගන්නා සියලුම මගීන් ද අනිවාර්යයෙන්ම ආසන පටි පැළඳ සිටිය යුතුය.
රථවාහන අනතුරුවලදී සිදුවන ජීවිත හානි අවම කරගැනීම සඳහා මෙම තීරණය ගත් බව පවසන පොලිස් මූලස්ථානය, අද සිට නීතිය කඩකරන පිරිස් වෙත කිසිදු ලිහිලක් නොදක්වා නීතිමය පියවර ගන්නා ලෙස සියලුම රථවාහන පොලිස් නිලධාරීන්ට උපදෙස් දී තිබේ.
