රටේ සමස්ත ආර්ථික ගමන, පොලී අනුපාතික සහ ඉදිරි වසර කිහිපයක ජීවන වියදම කෙරෙහි සෘජුවම බලපාන තීරණාත්මක මූල්‍ය ප්‍රතිපත්ති තීරණයක් සඳහා ශ්‍රී ලංකා මහ බැංකුව (CBSL) ඉතිහාසයේ පළමු වරට මෙරට සාමාන්‍ය ජනතාවට සහ ව්‍යාපාරිකයන්ට අවස්ථාවක් විවෘත කර දී ඇත.
රටේ "උද්ධමන ඉලක්කය" (Inflation Target) කොපමණ මට්ටමක පවත්වා ගත යුතුද යන්න තීරණය කිරීම සඳහා ජනතාවගේ, ආර්ථික විද්‍යාඥයන්ගේ සහ ව්‍යාපාරිකයන්ගේ අදහස් ලබාගැනීම මේ වන විට ආරම්භ කර තිබේ.
2023 ඔක්තෝබර් මාසයේදී හඳුන්වා දුන් නව මහ බැංකු පනතට අනුව, උද්ධමනය සියයට 5ක මට්ටමේ පවත්වා ගැනීමට මුදල් අමාත්‍යාංශය සහ මහ බැංකුව ගිවිසුම්ගතව සිටී. (එය සියයට 3ත් 7ත් අතර පරාසයක පැවතීම අනුමත කෙරේ). මෙම තුන් අවුරුදු රාමුව එළඹෙන ඔක්තෝබර් මාසයෙන් අවසන් වන බැවින්, ඊළඟ වසර 3 සඳහා නව උද්ධමන ප්‍රතිපත්තිය සකස් කිරීමට නීත්‍යානුකූලවම මෙම සමාලෝචනය සිදු කළ යුතුය. මහ බැංකුව ගන්නා මෙම තීරණය අනුව රටේ බඩු මිල සහ බැංකු ණය පොලිය තීරණය වේ.
ආර්ථික විද්‍යාඥයන් බෙදී ඇති ප්‍රධාන මතවාද 2 ?
වත්මන් සියයට 5ක උද්ධමන ඉලක්කය වෙනස් විය යුතු ආකාරය ගැන ක්ෂේත්‍රයේ දැඩි සංවාදයක් මතුව ඇත.
1- උද්ධමන ඉලක්කය සියයට 2 දක්වා අඩු කළ යුතුයි:
බහුතරයක් විශ්ලේෂකයන් පෙන්වා දෙන්නේ වත්මන් සියයට 5ක ඉලක්කය වැඩි බවයි. එය දියුණු රටවල මෙන් සියයට 2ක් දක්වා අඩු කළහොත් ජනතාවගේ මුදල්වල අගය (Purchasing Power) රැකෙන අතර විදේශීය ආයෝජකයන්ගේ විශ්වාසය ද ඉහළ යනු ඇත.
2- සියයට 5ක මට්ටම හොඳයි (වර්ධනයට රුකුලක්):
තවත් පිරිසක් තර්ක කරන්නේ ලංකාව වැනි සංවර්ධනය වෙමින් පවතින ආර්ථිකයකට කඩා වැටීමෙන් පසු නැවත නැඟී සිටීමට, රැකියා උත්පාදනයට සහ ව්‍යාපාර දිරිගැන්වීමට යම් මධ්‍යස්ථ උද්ධමන පරාසයක් (Inflation Buffer) අත්‍යවශ්‍ය බවයි.
ඔබටත් අවස්ථාවක්: ජූලි 15ට පෙර ප්‍රතිචාර දක්වන්න
2022 වසරේ සිදුවූ දරුණු ආර්ථික කඩා වැටීමෙන් පසු මහ බැංකුව දැඩි මුදල් ප්‍රතිපත්ති අනුගමනය කරමින් උද්ධමනය පාලනය කළද, ඇතැම් අවස්ථාවල ධනකාමී මිල පහත වැටීම් (Deflation) නිසා වෙළඳපොළ එකතැන පල්වීම් ද වාර්තා විය.
මේ නිසා, ඉදිරි ආර්ථික වටපිටාවට වඩාත්ම ගැළපෙන ප්‍රතිපත්තිය තෝරාගැනීමට රජය මහජනතාවට අවස්ථාව දී ඇත. මෙම නිල සමීක්ෂණය සඳහා අදහස් දැක්වීමේ කාලය 2026 ජූලි 15 වැනිදායින් අවසන් වේ.
මුලාශ්‍රය :
Central Bank Seeks Public Input On Key Inflation Target
