අධිකරණයේ ස්වාධීනත්වය සහ කාලීන මහජන ගැටලු ගැනත් අවධානය යොමු වෙයි
අධිකරණ ක්ෂේත්‍රයේ ක්‍රියාකාරිත්වය සහ විෂය පථය සම්බන්ධයෙන් ජනාධිපතිවරයා උපදෙස් ලබාගත් බව කියන ජ්‍යෙෂ්ඨයන් සහ ප්‍රවීණයන් කවුරුන්ද යන්න රටට හෙළි කළ යුතු බව ශ්‍රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්‍රී නාමල් රාජපක්ෂ ප්‍රකාශ කරයි.
නෙළුම් මාවත පිහිටි පක්ෂ මූලස්ථානයේදී අද මාධ්‍ය වෙත අදහස් දක්වමින් මන්ත්‍රීවරයා සඳහන් කළේ, අධිකරණ ක්ෂේත්‍රයේ ස්වාධීනත්වයට සහ ප්‍රතිසංස්කරණවලට අදාළව ගනු ලබන තීරණ පිළිබඳව විවිධ පාර්ශ්වයන්ගේ අවධානය යොමුව ඇති පසුබිමක එම ක්‍රියාවලිය වඩාත් විනිවිදභාවයකින් යුතුව සිදුවිය යුතු බවයි.
විෂය ප්‍රවීණයන් සහ වෘත්තීය සංගම්වල මතය
නෙළුම් මාවත පිහිටි පක්ෂ මූලස්ථානයේදී අද මාධ්‍ය වෙත අදහස් දක්වමින් මන්ත්‍රීවරයා සඳහන් කළේ, අධිකරණ ක්ෂේත්‍රයේ ස්වාධීනත්වයට සහ ප්‍රතිසංස්කරණවලට අදාළව ගනු ලබන තීරණ පිළිබඳව විවිධ පාර්ශ්වයන්ගේ අවධානය යොමුව ඇති පසුබිමක එම ක්‍රියාවලිය වඩාත් විනිවිදභාවයකින් යුතුව සිදුවිය යුතු බවයි.
විෂය ප්‍රවීණයන් සහ වෘත්තීය සංගම්වල මතය
අධිකරණ පද්ධතියේ පවතින පුරප්පාඩු සම්පූර්ණ කිරීම සහ ව්‍යුහාත්මක වෙනස්කම් සිදුකිරීම පිළිබඳව අදහස් දක්වමින් නාමල් රාජපක්ෂ පෙන්වා දුන්නේ, ක්ෂේත්‍රයේ දිගුකාලීන අත්දැකීම් ඇති ප්‍රවීණයන් විශාල පිරිසක් සිටින බවයි.
ශ්‍රී ලංකා නීතිඥ සංගමයේ මෙන්ම පොදුරාජ්‍ය මණ්ඩලීය හා කලාපීය නීති ක්ෂේත්‍රයේ නියෝජිතයන්ගේ අදහස්ද මෙවැනි ප්‍රතිසංස්කරණවලදී සැලකිල්ලට ගැනීම වැදගත් බවත්, ආයතනික තීන්දු ගැනීමේදී සියලු පාර්ශ්වයන්ගේ මැදිහත්වීම තහවුරු විය යුතු බවත් මන්ත්‍රීවරයා මෙහිදී සඳහන් කළේය. එසේම, ජනාධිපතිවරයා සහ නීතිඥ සංගමය අතර පැවති සාකච්ඡාවේ කරුණු මාධ්‍ය වෙත නිදහස් කිරීමේදී දෙපාර්ශ්වයේම අදහස් සමබරව ඉදිරිපත් වීමේ වැදගත්කමද ඔහු පෙන්වා දුන්නේය.
''ජනාධිපතිතුමා කාගේ හරි අවධානය යොමු කරගන්න දඟලනවා''
ශ්‍රී ලංකා නීතිඥ සංගමයේ මෙන්ම පොදුරාජ්‍ය මණ්ඩලීය හා කලාපීය නීති ක්ෂේත්‍රයේ නියෝජිතයන්ගේ අදහස්ද මෙවැනි ප්‍රතිසංස්කරණවලදී සැලකිල්ලට ගැනීම වැදගත් බවත්, ආයතනික තීන්දු ගැනීමේදී සියලු පාර්ශ්වයන්ගේ මැදිහත්වීම තහවුරු විය යුතු බවත් මන්ත්‍රීවරයා මෙහිදී සඳහන් කළේය. එසේම, ජනාධිපතිවරයා සහ නීතිඥ සංගමය අතර පැවති සාකච්ඡාවේ කරුණු මාධ්‍ය වෙත නිදහස් කිරීමේදී දෙපාර්ශ්වයේම අදහස් සමබරව ඉදිරිපත් වීමේ වැදගත්කමද ඔහු පෙන්වා දුන්නේය.
''ජනාධිපතිතුමා කාගේ හරි අවධානය යොමු කරගන්න දඟලනවා''
"දැන් ජනාධිපතිවරයා පැහැදිලිවම අධිකරණයේ ස්වාධීනත්වය කෙරෙහි බලපාන කාරණයක් සම්බන්ධයෙන් අත්තනෝමතික තීරණයක් ගන්නවා.රටේ නීතිඥ සංගමය ඒකට විරුද්ධයි නම්, විනිශ්චයකාරවරුන්ගේ විරෝධයක් තියෙනවා නම්, පොදුරාජ්‍ය මණ්ඩලීය නීතිඥ සංගමය, ආසියාතික නීතිඥ සංගමය මේ සංශෝධනයට විරුද්ධ නම් ජනාධිපතිවරයා ගන්න අවදානම ගැන මට නම් හිතාගන්න බෑ. හැබැයි ඉතින් අවදානම කෙසේ වෙතත් ජනාධිපතිතුමා කාගේ හරි අවධානය යොමු කරගන්න දඟලන බවක් නම් පේනවා යනුවෙන්ද නාමල් රාජපක්ෂ කීය.
ග්‍රාමීය ආර්ථිකය සහ ජනතා අවශ්‍යතා
අධිකරණ ක්ෂේත්‍රයේ කරුණුවලට අමතරව රටේ පවතින ආර්ථික හා ග්‍රාමීය ගැටලු පිළිබඳවද අදහස් දැක්වූ නාමල් රාජපක්ෂ, කෘෂිකාර්මික ක්ෂේත්‍රයේ ගැටලු සහ ආපදාවලට ලක්වූ යටිතල පහසුකම් ප්‍රතිසංස්කරණය කඩිනම් කිරීමේ අවශ්‍යතාව අවධාරණය කළේය.
විශේෂයෙන්ම ගොවි ජනතාව මුහුණ දෙන අභියෝග, පොහොර සහ අස්වනු මිලදී ගැනීමේ ක්‍රියාවලිය මෙන්ම ග්‍රාමීය ආර්ථිකය සවිබල ගැන්වීම සඳහා රජයේ ප්‍රමුඛ අවධානය යොමුවිය යුතු බවද මන්ත්‍රීවරයා වැඩිදුරටත් කියා සිටියේය. කෘෂිකර්මාන්තය සඳහා නවීන තාක්ෂණය හඳුන්වාදීම සාධනීය පියවරක් වන අතර, පවතින ජනතා ගැටලුවලට කඩිනම් සහ ප්‍රායෝගික විසඳුම් ලබාදීම රජයේ වගකීමක් බවද ඔහු වැඩිදුරටත් සඳහන් කළේය.
