විදේශ කටයුතු, විදේශ රැකියා සහ සංචාරක අමාත්‍ය විජිත හේරත් විසින් මෙම නව පත්කිරීම සිදු කර ඇති බව අමාත්‍යාංශ ආරංචි මාර්ග තහවුරු කරයි.
මෙතෙක් එම ධුරයේ කටයුතු කරනු ලැබුවේ බුද්ධික හේවාවසම් විසිනි.
නව සභාපති සුරන්ජිත් වැවිට පිළිබඳ සංක්ෂිප්ත හැඳින්වීමක්:
සම්පූර්ණ නම: වැවිට විදානලාගේ මාධව කීර්ති සුරන්ජිත් වැවිට
අධ්‍යාපන හා වෘත්තීය සුදුසුකම්:
කෑගල්ල ශාන්ත මරියා විද්‍යාලයෙන් සහ සැම්බියාවේ න්ඩෝලා (Ndola) ප්‍රාථමික විද්‍යාලයෙන් මූලික අධ්‍යාපනය ලබා ඇත.
ශ්‍රී ලංකා බැංකුකරුවන්ගේ ආයතනයේ (IBSL) අන්තර්මධ්‍ය මට්ටම සම්පූර්ණ කර ඇත.
ඉංජිනේරු විද්‍යා පිළිබඳ ජාතික ඩිප්ලෝමාවේ (NDES) BIP මට්ටම හදාරා ඇත.
ජාතික හා ප්‍රාදේශීය සංචාරක කථිකාචාර්ය සහ මඟපෙන්වන්නන්ගේ (Tourist Guide Lecturer) බලපත්‍රලාභියෙකි.
නෙදර්ලන්ත රජය මඟින් ක්‍රියාත්මක කළ ක්ෂීරපායී නිෂ්පාදන හා කළමනාකරණ පුහුණු සහ සංචාරක ක්ෂේත්‍රයේ කණ්ඩායම් ගොඩනැගීමේ (DISC Analysis) වැඩසටහන් සම්පූර්ණ කර ඇත.
වෘත්තීය හා කළමනාකරණ පළපුරුද්ද:
බැංකු හා මූල්‍ය ක්ෂේත්‍රය: සෙලාන් බැංකුවේ වසර 20 කට ආසන්න කාලයක් දෙහිඅත්තකණ්ඩිය, රුවන්වැල්ල, සහ රත්නපුර ශාඛාවන්හි ශාඛා කළමනාකාර ධුරයන් හොබවා ඇත. ඊට අමතරව පෑන් ඒෂියා බැංකුව, මෙල්ස්ටා රීගල් ෆිනෑන්ස් (වත්මන් Fintrec Finance), සහ මල්ටි ෆිනෑන්ස් ආයතනයන්හි ශාඛා කළමනාකරුවෙකු ලෙස කටයුතු කර තිබේ.
සංචාරක ක්ෂේත්‍රය:
සමස්ත ලංකා සංචාරක සේවා සපයන්නන්ගේ සංගමයේ සහ මධ්‍යම පළාත් සංචාරක සේවා සංවර්ධන සමුපකාර සමිතියේ වත්මන් ලේකම්වරයා ලෙස කටයුතු කරයි. සංචාරක සංවර්ධනය පිළිබඳ ජනාධිපති කාර්ය සාධක බලකායේ සාමාජිකයෙකු ලෙසද කටයුතු කර ඇත.
කිරි ආශ්‍රිත නිෂ්පාදන ක්ෂේත්‍රයේ ප්‍රමුඛ පෙළේ ව්‍යවසායකයෙකු වන ඔහු 2013 වසරේ මධ්‍යම පළාතේ විශිෂ්ටතම කිරි ආශ්‍රිත නිෂ්පාදන ව්‍යවසායකයා ලෙස සම්මාන ලබා ඇත. ගන්නොරුව අඛණ්ඩ අධ්‍යාපන ආයතනයේ බාහිර කථිකාචාර්යවරයෙකු ලෙසද සේවය කර ඇත.
ප්‍රයිම් ඇඩ්වෙන්චර් ඇකඩමි (Prime Adventure Academy Pvt Ltd) සහ රිස්වානා ඇග්‍රිකල්චර් ඇන්ඩ් බිස්නස් (Rizwana Agriculture and Business Pvt Ltd) ආයතනයන්හි සභාපතිවරයා ලෙස කටයුතු කරයි.
