ශ්‍රී ලංකාවේ අපරාධ හා නීති ඉතිහාසයේ සුවිශේෂී සිදුවීමක් වූ කොබෙයිගනේ රූමතියගේ ඝාතනය පදනම් කරගනිමින් ජනාධිපති නීතිඥ සරත් ජයමාන්න විසින් රචනා කරන ලද ‘කොබෙයි නෙතක ලේ කඳුළක්’ සහ එහි ඉංග්‍රීසි කෘතිය වන ‘BLOOD LACED TEARS’ ඊයේ (12) අතිඋත්කර්ෂවත් ලෙස සෞන්දර්යාත්මක පෙළහරකින් බණ්ඩාරනායක ජාත්‍යන්තර සම්මන්ත්‍රණ ශාලාවේදී එළිදක්වනු ලැබුණා.
කසුන් කල්හාර, උමාරිය සිංහවංශ, සියුමිණී ඔපයන්ගිගේ විශිෂ්ට ගායනයෙන් හැඩ වුණ ‘කොබෙයි නෙතක ලේ කඳුළක්’ එළිදැක්වීම සිදුවුයේ මෙරට ප්‍රථම වරට කෘති එළිදැක්වීමක් සමඟ වේදිකා නාට්‍යක් ද රංගගත කරමිනි.
අපරාධයක් පිටුපස සැඟවී ඇති මනුෂ්‍ය ජීවිතවල වේදනාව මෙන්ම අපරාධ යුක්තිය, නීතියේ භූමිකාව සහ මනුෂ්‍යත්වයේ වටිනාකම පිළිබඳව කොබෙයිගනේ රූමතිය ඝාතනයේ නඩුකරය මෙහෙය වූ අයුරු පාඨකයාට ගැඹුරු අවබෝධයක් ලබාදීමට මෙම වේදිකා නාට්‍ය සමත් විය.
‘කොබෙයි නෙතක ලේ කඳුළක්’ කෘතිය එළිදැක්වීම සම්පූර්ණයෙන්ම සජීවිව ලෝකවාසී සියලු දේනාට නැරඹීට අවස්ථාව සැලසූ අතර එය නැරඹීමට නොහැකි වූ අයට පහතින් එම වැඩසටහන නැරඹීමට අවස්ථාව ඇත.
‘කොබෙයි නෙතක ලේ කඳුළක්’ සහ එහි ඉංග්‍රීසි කෘතිය වන ‘BLOOD LACED TEARS’ යන කෘති ද්විත්වය පහත සබැඳි ඔස්සේ ඇනවුම් කළ හැක.
