වියදම් අවම කරමින් සාමාජිකයන්ට ජංගම දුරකථනයෙන්ම ඡන්දය දීමට ඉඩ සලසා, රාජ්‍ය සේවයේ ඩිජිටල් විප්ලවයකට තැපැල් හා විදුලි සංදේශ නිලධාරීන්ගෙන් මුලපිරීමක්.
තැපැල් හා විදුලි සංදේශ නිලධාරින්ගේ සංගමයේ (UPTO) නිලවරණය 2026 අගෝස්තු මස 23 දින පැවැත්වීමට සුදානම් කර ඇති බව එහි ලේකම් මංජුල බණ්ඩාර ජයසුන්දරගෙන් කළ විමසීමකදී පවසා සිටියේය.
මෙවර online මගින් තම සාමාජිකයින් සියලුදෙනාටම ඡන්දය පාවිච්චි කිරීමට අවස්ථාව හිමිකර ඇති අතර, කිසිඳු වියදමකින් තොරව නිළවරණය සඳහා සහභාගීවීමට අවස්ථාව සලසා ඇති බව ඔහු වැඩිදුරටත් පවසා සිටියේය.
වෘත්තීය සමිති ඉතිහාසයේ ප්‍රථමවරට වෘත්තීය සමිතියක් විසින් පූර්ණ ඩිජිටල්කරණයට පත්කරමින් මෙවර online මගින් තම සාමාජිකයින්ට ඡන්දය ප්‍රකාශ කිරීමට සඳහා අවස්ථාව හිමි කර ඇත. ශ්‍රී ලංකා ටෙලිකොම් විසින් නිර්මානය කරන ලද APP (ඇප්) යෙදවුමක් හරහා තම දුරකථනය මගින් තම ඡන්දය පාවිච්චි කිරීමට අවස්ථාව සලසා ඇත.
මෙම APP (ඇප්) යෙදවුමට ශ්‍රී ලංකා පරිගණක හදිසි ප්‍රතිචාර සංසදය (CERT) විසින් මේ සඳහා පූර්ණ අනුමැතිය හිමිව ඇති බව මංජුල ජයසුන්දර ප්‍රකාශ කර සිටියේ.
ඉදිරියේදී තම රටපුරා සිටින තම සාමාජිකත්වය ලබාගෙන ඇති වෘත්තිය සමිති සඳහා මෙම online ක්‍රමය මගින් තම සාමාජිකයින්ට ඡන්දය ප්‍රකාශ කිරීමට අවස්ථාව හිමිවුන් ඇති අතර, එය වියදම් අඩු හා සියලු සාමාජිකයින්ට සම්බන්ධවීමට ඇති අවස්ථාව ඉහල බවත්, AI digital ලෝකයේ රාජ්‍ය සේවයට තමන් සුදානම් බවත් පෙන්වීමට මෙය මහඟු අවස්ථාවක් බවත් මංජුල ජයසුන්දර වැඩි දුරටත් පවසා සිටියේය.
