The Leader News
BREAKING
ළමා අපයෝජන චෝදනාවට වරදකරු වූ හිමිනමකට වසර 8ක සිරදඬුවම්●යෝජිත PSTA සහ PTA පනත්වලට එරෙහිව ඒකාබද්ධ ප්‍රකාශනයක්●ආර්ථිකය ස්ථාවර වුවත් ව්‍යාපාරිකයින් තවමත් බලා සිටින්නේ ඇයි?●දමිළ කිවිවර චේරන් දිවි සැරිය නිම කරයි●ඩොලර් මිලියන 500ක ඉලක්කය බිංදුවට; නාගරික සංවර්ධනයේ අර්බුදය හෙළිවේ●අතුරුදන් වූවන් හඳුනාගැනීමට DNA බැංකුවක්: BTF හදිසි ආයාචනයක්●වැලි කඩදාසි රහසට වසර 8කට පසු බැන්ක්‍රොෆ්ට් නිහඬතාව බිඳී: කමින්ස් දැඩි පීඩනයක●සිංගප්පූරුවේ විශ්‍රාම වයස 65 දක්වා ඉහළට: රැකියා සංස්කෘතිය වෙනස් වෙයිද?●2027 හොඳම සංචාරක ගමනාන්තය ඉන්දියාවයි; සැබෑ ඉන්දියාව කියවන කාන්තාවෝ●රාජකීය පෙන්ඩනයක් නිසා කරීනා කපූර්ට නීතිමය දැනුම්දීමක්●
Top Ad
Opinion

ත්‍රීවිල් රියදුරන්ද පුරවැසියෝය නියාමනයට වහාම මැදිහත් වෙන්න

T

The Leader Desk

August 4, 2026 • 6:02 AM

ත්‍රීවිල් රියදුරන්ද පුරවැසියෝය නියාමනයට වහාම මැදිහත් වෙන්න

ලිපියට සවන් දෙන්න

පැහැදිලි සිංහල හඬ කියවනය (Natural Audio)

  • ප්‍රවීණ මාධ්‍යවේදී නාරද බක්මීවැව විසින් මෙහෙයවන ලද මෙම වැඩසටහනේදී මතු කෙරුණේ, සීමිත දේශීය ආර්ථික වටපිටාවක් තුළ එක් පාර්ශවයක් මෙලෙස දැවැන්ත ලාභ ලබන විට අනෙක් පාර්ශවයන්ට, විශේෂයෙන්ම ශ්‍රමිකයාට සහ පාරිභෝගිකයාට සිදුවන බලපෑම කුමක්ද යන්නයි.
  • මෙම සංවාදයට එක්වූ දේශපාලන විචාරක දීප්ති කුමාර ගුණරත්න පෙන්වා දුන්නේ, මෙරට ත්‍රිරෝද රථ ක්ෂේත්‍රයේ ව්‍යාප්තිය යනු රටේ පවතින අවිධිමත් ආර්ථිකයේ (Informal Economy) ප්‍රධානතම පිළිබිඹුවක් බවයි.
  • මෙය මෙරට සමස්ත ආර්ථිකයෙන් සියයට හැටක් පමණ වන අවිධිමත් ආර්ථිකයේ අවිනිශ්චිත ස්වභාවය මනාව කියාපාන බවද ප්‍රකාශ විය.
  • මෙලෙස ව්‍යාප්ත වූ අවිධිමත් ශ්‍රම බලකාය තාක්ෂණික ඇප් මෘදුකාංග හරහා "ජාලකරණයට" (Networkization) ලක් කිරීම ඩිජිටල් ධනවාදයේ ඊළඟ පියවර බව දීප්ති කුමාර ගුණරත්න පෙන්වා දෙයි.
අකුරු ප්‍රමාණය (Font Size):


ප්‍රවීණ මාධ්‍යවේදී නාරද බක්මීවැව විසින් මෙහෙයවන ලද මෙම වැඩසටහනේදී මතු කෙරුණේ, සීමිත දේශීය ආර්ථික වටපිටාවක් තුළ එක් පාර්ශවයක් මෙලෙස දැවැන්ත ලාභ ලබන විට අනෙක් පාර්ශවයන්ට, විශේෂයෙන්ම ශ්‍රමිකයාට සහ පාරිභෝගිකයාට සිදුවන බලපෑම කුමක්ද යන්නයි.

මෙම සංවාදයට එක්වූ දේශපාලන විචාරක දීප්ති කුමාර ගුණරත්න පෙන්වා දුන්නේ, මෙරට ත්‍රිරෝද රථ ක්ෂේත්‍රයේ ව්‍යාප්තිය යනු රටේ පවතින අවිධිමත් ආර්ථිකයේ (Informal Economy) ප්‍රධානතම පිළිබිඹුවක් බවයි. අධ්‍යාපනය නිමවා ශ්‍රම වෙළෙඳපොළට අවතීර්ණ වන තරුණ ප්‍රජාවට විධිමත් රැකියා සැපයීමට සමත් රාජ්‍ය ප්‍රතිපත්තියක් නොතිබීම හේතුවෙන්, අනූවේ දශකයේ අගභාගයේදී තාවකාලික විකල්පයක් ලෙස හඳුන්වා දුන් ත්‍රිරෝද රථ ක්ෂේත්‍රය අද වන විට රටේ සමස්ත ශ්‍රම බලකායෙන් විශාල පිරිසකගේ ප්‍රධාන ජීවනෝපාය වී ඇති බව හෙතෙම සඳහන් කළේය. මෙය මෙරට සමස්ත ආර්ථිකයෙන් සියයට හැටක් පමණ වන අවිධිමත් ආර්ථිකයේ අවිනිශ්චිත ස්වභාවය මනාව කියාපාන බවද ප්‍රකාශ විය.

මෙලෙස ව්‍යාප්ත වූ අවිධිමත් ශ්‍රම බලකාය තාක්ෂණික ඇප් මෘදුකාංග හරහා "ජාලකරණයට" (Networkization) ලක් කිරීම ඩිජිටල් ධනවාදයේ ඊළඟ පියවර බව දීප්ති කුමාර ගුණරත්න පෙන්වා දෙයි. මෙමඟින් සාම්ප්‍රදායික මානව සබඳතා මත පදනම් වූ සේවා සැපයීමේ රටාව සම්පූර්ණයෙන්ම ඇල්ගොරිතම පාලනයකට නතු කර ඇති අතර, ආහාර සැපයීම වැනි ක්ෂේත්‍ර කරාද මෙය ව්‍යාප්ත වීමෙන් මිනිසුන් සමාජයීය වශයෙන් හුදකලා වීමේ අවදානමක් මතුව ඇත.

මෙම ඩිජිටල් ජාල තුළ සේවය කරන ශ්‍රමිකයින්ට හිමිවන "ස්වාධීනත්වය" සහ "නිදහස" යන්න හුදු මායාවක් පමණක් බවද සාකච්ඡාවේදී අවධාරණය කෙරුණි. වාහනයේ ක්ෂයවීම්, ඉන්ධන පිරිවැය සහ සෞඛ්‍ය අවදානම් සියල්ල ශ්‍රමිකයා විසින් දරනු ලැබුවද ඔවුන්ට හිමිවන සැබෑ සමාජ ආරක්ෂණයක් නොමැති අතර, සමාගම් විසින් ඇල්ගොරිතම ශ්‍රේණිගත කිරීම් (Stars/Ratings) හරහා ඔවුන්ව දැඩි පාලනයකට නතු කරනු ලබයි. මීට පෙර පැවති වෘත්තීය පුහුණුව, විනය හා ආචාරශීලී බව වර්තමාන ඇප් පාදක ක්‍රමය තුළ ගිලිහී ගොස් ඇති ආකාරය නාරද බක්මීවැව මෙහිදී පෙන්වා දුන්නේය.

ඒ අනුව, ව්‍යාපාරික ලාභ ලැබීමේ අයිතිය පිළිගන්නා අතරම, මෙම ඩිජිටල් ඒකාධිකාරයන් පාලනය කිරීම සඳහා රාජ්‍ය මැදිහත්වීම සහ "නියාමනය" (Regulation) අත්‍යවශ්‍ය බව "Ideas Front" සංවාදයේ අවසාන නිගමනයයි. මුදල් අමාත්‍යාංශය ඇතුළු අදාළ රාජ්‍ය ආයතන මෙම ඇප් සමාගම් සඳහා සීමාවන් සහ නීතිමය රාමුවක් කඩිනමින් සකස් කළ යුතු අතර, එසේ නොමැති වුවහොත් දේශීය කුඩා පරිමාණ ව්‍යාපාර මුළුමනින්ම ඔවුන්ගේ ග්‍රහණයට නතු වී, ශ්‍රමික අයිතිවාසිකම් අහිමි වෙමින් සමාජීය වශයෙන් දැඩි ආතතියක් නිර්මාණය වීමේ අවදානමක් පවතින බව පෙන්වා දෙනු ලැබීය.

 

 

whatsapp 202507155

The Leader • WhatsApp නිල සේවාව

අපගේ නිල WhatsApp සමූහයට එක්වන්න

නවතම සහ උණුසුම් පුවත්, විශේෂ විමර්ශන වාර්තා ක්ෂණිකව ඔබගේ දුරකථනයටම ලබාගැනීමට The Leader WhatsApp සමූහය හා අදම එක්වන්න.

The Leader • අප ගැන

Theleader.lk යනු ශ්‍රී ලංකාව තුළ සහ ජාත්‍යන්තර ඩයස්පෝරාව අතර ක්‍රියාත්මක වන ප්‍රවෘත්ති සහ කාලීන විශේෂාංග පළ වන ප්‍රමුඛතම වෙබ් පුවත් පර්යන්තයකි. නවතම සහ කාලීන පුවත් මෙන්ම දේශපාලන තොරතුරු සිය පාඨකයන් හට දිනපතා ඉදිරිපත් කරනු ලබයි.

තව කියවන්න (Read More)→

Discussion (0)

Join the Conversation

Register as a reader to share your comments, react to analysis, and join discussions on The Leader stories.

Loading discussion...