ජනපතිවරයා පවසනුයේ අපරාධ පරීක්ෂණ දෙපාර්තමේන්තුව අනාවරණය කරන තොරතුරු මත එලෙස අප්‍රේල් 21වනදා පෙර පාස්කු ප්‍රහාරය සඳහා වගකිව යුතු සැලකිය යුතු කණ්ඩායමක් හෙළිදරව් කරන බව ය.
ඒ අතර කතෝලික සභාවේ මාධ්‍ය ප්‍රකාශක සිරිල් ගාමිණී පියතුමන් ද මාධ්‍ය වෙත පවසා ඇත්තේ අප්‍රේල් විසි එක්වෙන දින තෙක්තෙක් ඉතා ඕනෑකමන් බලා සිටින බවත් නව රජයේ එම ප්‍රකාශය සම්බන්ධයෙන් දැඩි බලාපොරොත්තුවක් තබා සිටින බව ය.
නමුත් ඒ සම්බන්ධයෙන් විද්වත් අංශ පෙන්වා දී ඇත්තේ සාපරාධී ක්‍රියාවන් සම්බන්ධයෙන් විනිශ්චයකට එළඹීම මුළුමනින්ම අධිකරණය සතු ක්‍රියා මාර්ගයක් වන අතර ඒ සම්බන්ධ පූර්ව විනිශ්චයකට එළඹීමට විධායකයට වුව හිමිකමක් නොමැති බවකි.
2019 පාස්කු ඉරිදා ප්‍රහාරයේ මහා මොළකරු සම්බන්ධයෙන් ජනාධිපති අනුර කුමාර දිසානායක ප්‍රකාශ කල දිනය අසන්න වෙමින් තිබියදී ඇමරිකාවේ මධ්‍යම කැලිෆෝනියා දිස්ත්‍රික් නියෝගාධිකරණය වෙත, ඇමරිකානු රජය විසින් ඉදිරිපත් කළ විස්තරාත්මක දිවුරුම් ප්‍රකාශයක් 'sunday Times ' පුවත්පත විසින් පසුගියදා ප්‍රකාශයට පත් තිබිණ.
As the Easter Sunday breakthrough deadline approaches, Ravi and Shani face make-or-break situation යන ශීර්ෂයෙන් යුතු එම ලිපියේ දැක්වෙන එෆ්.බී.අයි. වාර්තාවට අනුව 2019 පාස්කු ඉරිදා ප්‍රහාරයේ මහා මොළකරු වෙන කවුරුත් නොව සහරාන් හාෂිම් වේ. මේවනවිට මේ සම්බන්ධයෙන් සමාජ මාධ්‍ය ඔස්සේ සංවාදයක් මතුව ඇති අතර එම හෙළිදරව්ව සම්බන්ධයෙන් වූ අතුරු කාරනා ද ඉස්මතුවෙමින් තිබේ.
(මුලාශ්‍රය | vinivida.lk)
ඇමරිකානු රජය විසින් ඉදිරිපත් කළ දිවුරුම් ප්‍රකාශය මෙන්න
'මමයි දෙවන එමීර්වරයා' - පාස්කු සංහාරය ගැන නවුෆර් FBI යට කියල !
ඇමෙරිකානු රජය පාස්කු ප්‍රහාරයේ ' මහමොළකරු' හෙළිකරයි !