වසරේ හොඳම මධ්‍ය පරිමාණ වැවිලි සමාගම ලෙස 'රුහුණු රට ප්ලාන්ට්ටේෂන්' සම්මාන ලබයි

සමූහය ලෙස සම්මානය දිනා ගැනීමට රුහුණු රට ප්ලාන්ට්ටේෂන් නිර්මාතෘ ඩිල් කැලුම් පලිහක්කාර සමත් විය.

කොළඹ බණ්ඩාරනායක අනුස්මරණ අන්තර්ජාතික සම්මන්ත්‍රණ ශාලාවේදී ඉකුත්දා පැවැති මානව හිමිකම් සංවිධානය ලංකා (HUMAN RIGHTS EXCELLENCE AWARDS -2025) ක්ෂේත්‍ර ඇගයීමේ සම්මාන උලෙළේදී 'රුහුණු රට ප්ලාන්ට්ටේෂන් සමාගම' මෙම සම්මානය දිනා ගත්තේය.

පාසල් අධ්‍යාපනයෙන් අනතුරුව අම්පාර හාඩි කෘෂිකාර්මික උසස් අධ්‍යාපන ආයතනයේ කෘෂිකාර්මික ඩිප්ලෝමාවක් හදාරා ස්ව උත්සාහයෙන් වාණිජ කෘෂිකර්මාන්තයට යොමු වූ රුහුණු රට ප්ලාන්ට්ටේෂන් නිර්මාතෘවරයා මේ වනවිට තම නිෂ්පාදන ලෙස සුපිරි වෙළෙඳසල් ජාලය වෙත සහ විදේශයන්ට පවා ඉහළ තත්ත්වයේ පොල්තෙල්, එළවළු, පලතුරු අපනයනය කිරීමට සමත්ව ඇත.

හම්බන්තොට දිස්ත්‍රික්කයේ රන්න ප්‍රදේශය පාදකකොට මේ වනවිට අක්කර 120කට අධික භූමියක පොල්, රබර්, එළවළු, පලතුරු වගාකොට තිබෙන අතර ඒ ආශ්‍රිතව නව රැකියා ගොන්නක් බිහිකොට ඇතැයි ඩිල් කැලුම් පලිහක්කාර ප්‍රකාශ කරයි.

ඔහු තම සමාගමට හිමිවූ සම්මානය ලබාගන්නා අයුරු ඡායාරූපයෙන් දැක් වේ.

(සටහන | ජේ. මුණසිංහ)