ගින්නත් සමඟ පරිශ්‍රයේ තිබූ ගෑස් සිලින්ඩරයක් ද පිපිරී ගොස් ඇති අතර, මියගිය පිරිස අතර එහි රැඳී සිටි වැඩිහිටියන් සහ මානසික ආබාධ සහිත පුද්ගලයන් වන බව පොලිසිය තහවුරු කරයි. අනතුර හේතුවෙන් තවත් පුද්ගලයන් තිදෙනෙකු අතුරුදන්ව ඇති අතර තුවාල ලැබූ පුද්ගලයන් හත්දෙනෙකු හොරණ දිස්ත්‍රික් රෝහලට ඇතුළත් කර තිබේ.
අනතුර සිදු වූ සැණින් ක්‍රියාත්මක වූ ප්‍රදේශවාසීන්, හොරණ නගර සභා ගිනි නිවන ඒකකය සහ පොලිස් නිලධාරීන් එක්ව දැඩි පරිශ්‍රමයකින් පසු එහි සිටි රැඳවියන් 51 දෙනෙකු නිරුපද්‍රිතව බේරාගෙන ආරක්ෂිත ස්ථාන කරා යොමු කර ඇත.
සිද්ධිය සම්බන්ධයෙන් වන මහෙස්ත්‍රාත් පරීක්ෂණය අද (04) පෙරවරුවේ පැවැත්වීමට නියමිතව තිබූ අතර, ගින්න හටගැනීමට හේතුව සෙවීම සඳහා පොලිස් කණ්ඩායම් තුනක් යොදවා පුළුල් විමර්ශන අරඹා තිබේ.
