දායක කර ගැනීම බව ප්‍රජා අපරාධ නිවාරණ ජාතික පදනමේ සම සභාපති විශ්‍රාමික පොලිස්පති නීතිඥ චන්ද්‍රා ප්‍රනාන්දු ප්‍රකාශ කළේය.
ප්‍රජා අපරාධ නිවාරණ ජාතික පදනමේ 2025/2026 වාර්ෂික සමුළුව ඉකුත්ද කොළඹ පොලිස් ශ්‍රවණාගාරයේදී පැවැති අවස්ථාවේදී චන්ද්‍රා ප්‍රනාන්දු මේ බව කීය.
අපරාධ නිවාරණය සම්බන්ධයෙන් ක්‍රියා කිරීමේදී සමාජයේ සෑම අයෙකුම අපරාධයට වින්දිතයෙකු බවට පත් නොවීමට වග බලා ගත යුතු බව ඔහු අවධාරණය කළේය.
අපරාධ වැලැක්වීමට ඇති හොඳම මග වින්දිතයෙකු වීමේ අවස්ථාවන් අවම කිරීම බව පදනම විශ්වාස කරන බවද ඔහු පැවසීය.
රටේ අපරාධ වැලැක්වීම සඳහා සාමූහික වගකීමක් සෑම දෙනාටම ඇතැයි අවධාරණය කළ හිටපු පොලිස්පතිවරයා, පොලිසියට, අධිකරණයට සහ පුනරුත්ථාපන ආයතන වලට පමණක් ව්‍යවස්ථාපිත වැරැදි සම්බන්ධයෙන් ක්‍රියා කිරීමට භාරදී නොසිටිය යුතු බව පෙන්වා දුන්නේය.
රාජ්‍ය හා පෞද්ගලික අංශයේ දායකත්වයන්ද සමගින් මහජනතාව පුළුල් ලෙස දැනුවත් කොට අපරාධ වලින් තොර නීතිය හා සාමය සුරැකෙන රටක් හා සමාජයක් ගොඩ නැගීමට අප සියලු දෙනා එක්විය යුතු බව ඔහු කීය.
''අද සමාජය සංකීර්ණවී අනෝන්‍ය බැඳීම් අඩුවීමත් අපරාධ වැඩිවීමට හේතුවක්''- හිටපු මහාචාර්ය ධනපාල විජේසිංහ
ශ්‍රී ජයවර්ධනපුර විශ්ව විද්‍යාලයේ අපරාධ විද්‍යාව පිළිබඳ අධ්‍යයන අංශයේ හිටපු මහාචාර්ය ධනපාල විජේසිංහ
පැරණි සමාජයේ අපරාධ වලින් ආරක්ෂාවීමට ග්‍රාමීය ප්‍රජාවගේ තිබූ එකමුතුකම සහ සංවිධානාත්මක ස්වරූපය නිසා ඉඩ ලැබුණා. අද සමාජය සංකීර්ණය වී පිරිස් අතර තිබෙන අනෝන්‍ය බැඳීම් අඩුවී තිබෙනවා. මෙම නිසා අපරාධයන් සිදුවීමට තිබෙන අවස්ථා වැඩිවී නිවාරණයට තිබෙන අවස්ථා මග හැරී ගොස් තිබෙනවා. අප මේ අවස්ථාවේදී කළ යුත්තේ හැකිතරම් අපරාධ අවම කිරීමට අවශ්‍ය අවස්ථා වැඩි කිරීමයි.
ප්‍රජා අපරාධ නිවාරණ ජාතික පදනමේ සම සභාපති ආචාර්ය අනුෂා එදිරිසිංහ
අපරාධ වලක්වා ගැනීමට කටයුතු කිරීම යනු නීති විරෝධී ක්‍රියාකාරකම් අඩු කිරීමයි. ඒවා පාලනය කිරීමයි. යළි සිදුවීම වැලැක්වීමයි. මෙහිදී අපි අපරාධ සිදුවී ලතවෙනවාට වඩා ඒවැන්නක් සිදුවීමට පෙර වැලැක්වීමට ක්‍රියා කළ යුතුයි.
ප්‍රජා අපරාධ නිවාරණ ජාතික පදනමේ වසර 2025/2026 නව නිලධාරී මණ්ඩලය මෙහිදි පත් කර ගන්නා ලද අතර, ශ්‍රී ලංකා පොලිස් දෙපාර්තමේන්තුව, කොතලාවල ආරක්ෂක විශ්ව විද්‍යාලය, ශ්‍රී ජයවර්ධනපුර විශ්ව විද්‍යාලය ඇතුලු ආයතන ගණනාවක ශිෂ්‍ය ශිෂ්‍යාවන් ඇතුලු විශාල පිරිසක් මේ අවස්ථාවට සහභාගී වී සිටියහ.
(සටහන | ජේ.මුණසිංහ)
