ශ්‍රී ලංකා මහබෝධි සංගමයේ සභාපති, සාංචි චේතියගිරි විහාරාධිපති, ජපානයේ ප්‍රධාන සංඝනායක, අතිපූජ්‍ය බානගල උපතිස්ස නා හිමියන්ගේ අනුශාසනා පරිදි අති උත්කර්ෂවත් අන්දමින් පැවැත්වීමට කටයුතු යොදා ඇත.
| බානගල විමලතිස්ස නායක හාමුදුරුවෝ
ඒ අනුව ඔක්තෝම්බර් මස 25 දින සර්ව රාත්‍රික පිරිත් පින්කම සහ 26 වැනි දින සාංචි කඨින පුණ්‍ය මහෝත්සවය පැවැත්වීමට සැලසුම් කර ඇතැයි ඉන්දියාවේ සාංචි චේතියගිරි විහාරාධිකාරී බානගල විමලතිස්ස හිමියෝ පැවසූහ.
ශාසන නියමයන්ට අනුකූලව කඨිනාරාධනාව පසුගියදා අරණායක මෙත්දහර සදහම් වන්දනා සංගමය විසින් සාංචි පුද බිමේ දී සිදු කළ බව විමලතිස්ස හිමියෝ තවදුරටත් සඳහන් කළහ.
ශ්‍රී ලංකාවෙන් බැතිමතුන් දෙසීයකට වැඩි පිරිසක් ඉන්දියාවට
මෙම සාංචි චේතියගිරි කඨින පුණ්‍ය මහෝත්සවයට මෙවර ශ්‍රී ලංකාවෙන් බැතිමතුන් දෙසියයදෙනකු සහභාගී වන බව මෙවර සාංචි කඨින පුණ්‍ය මහෝත්සවයේ ප්‍රධාන දායකත්වය දරන අරණායක මෙත්දහර සදහම් වන්දනා සංගමයේ අමිදු ජයසූරිය ප්‍රකාශ කළේය.
| උඩුගම තපස්සි පොඩි හාමුදුරුවෝ
එසේම බෝපාල්, නග්පූර්, උජ්ජෙයින් ඇතුළු ඉන්දියාවේ බොහෝ ප්‍රදේශවලින් ඉන්දීය බෞද්ධ බැතිමතුන් දහසකට ආසන්න පිරිසක් මෙවර සාංචි කඨින පුණ්‍ය මහෝත්සවයට සහභාගීවීමට බලාපොරොත්තු වන බවට දැනුම් දී ඇතැයි සාංචි චේතියගිරි විහාරවාසී පණ්ඩිත උඩුගම තපස්සී හිමියෝ සඳහන් කළහ.
ඊට අමතරව ඉන්දියාවේ අධ්‍යාපනය ලබන ශ්‍රී ලාංකික සිසු සිසුවියන් ද විශේෂයෙන් සාංචි විශ්වවිද්‍යාලයේ අධ්‍යාපනය ලබන විදේශීය බෞද්ධ සිසුන් ද මෙවර සාංචි කඨින පුණ්‍ය මහෝත්සවයට එක්වීමට නියමිත බව උඩුගම තපස්සි හිමියෝ වැඩිදුරටත් පැවසූහ.
(සටහන | ජේ. මුණසිංහ)
