ඔහු මෙම අදහස් පළ කළේ ඊයේ (11) පලස්තීනය රැකගැනීමේ ජාතික ව්‍යාපාරය විසින් කොමියුනිස්ට් පක්ෂ මූලස්ථානයේ සංවිධානය කර තිබූ මාධ්‍ය හමුවක දී ය.
එම මාධ්‍ය හමුවේ දී වැඩි දුරටත් අදහස් දැක්වූ වජිර අබේවර්ධන...
''ඒ අරමුණින් අපි 2022 සිට 2024 දක්වා ආණ්ඩු බලය දරණ අවධියේදීත් කටයුතු කළා. රනිල් වික්‍රමසිංහ මැතිතුමා ජනාධිපතිධුරය දරණ සමයේදීත් අපි මූල්‍ය ප්‍රතිපාදන පවා ලබාදීමට කටයුතු කළා. ඒ වගේම අපි පක්ෂයක් හැටියට බලාපොරොත්තු වෙන්නේ ඊශ්‍රායලය සහ පලස්තීනය රටවල් දෙකක් හැටියට පිළිගත යුතු බවයි. ඒ ගැන බටහිර ලෝකයත් එසේ ක්‍රියා කීරීමට කටයුතු කරනු ඇතැයි ද අපි අපේක්ෂා කරනවා.
ඒ වගේම ඊශ්‍රායලයත්, පලස්තීනයත් රාජ්‍යය දෙකක් හැටියට පිළිගැනීම සිදුකළ යුතුයි කියන ස්ථාවරයේ එක්සත් ජාතික පක්ෂය දිගින් දිගට ම කටයුතු කර තිබෙනවා. මේ ආරම්භ කර තිබෙන කටයුතු සඳහාත් පූර්ණ සහයෝගය ලබාදීමට කටයුතු කරනවා කියලා, මේ අවස්ථාවේදී ප්‍රකාශ කර සිටිනවා.
මෙම මාධ්‍ය හමුවේදී හිටපු අමාත්‍ය විමල් වීරවංශ, හිටපු අමාත්‍ය තිලංග සුමතිපාල, පාර්ලිමේන්තු මන්ත්‍රී රවුෆ් හකීම්, පා.ම. මුජිබර් රහුමාන් යන අය ද අදහස් දැක්වූහ.
