1971 සහ 88 -89 කාලවලදී ජනතා විමුක්ති පෙරමුණ විසින් පොදු දේපළ රැසක් විනාශ කළ බව ඔහු කියා සිටියි.
දයාසිරි ජයසේකර මන්ත්‍රීවරයා එබව කියා සිටියේ, කුරුණෑගල පැවති සජබ ක්‍රියාකාරීන්ගේ රැස්වීමකදීය.
විෂයෙන්ම ලංගම බස් රථ, විදුලි ට්‍රාන්ස්ෆෝමර, විදුලි සංදේශ කුළුණු, බැංකු මංකොල්ල කෑම් ඇතුළු පොදු දේපළ රැසක් විනාශ වී ඇති බවත් ඒ සම්බන්ධයෙන් පැමිණිලි ඉදිරිපත් වී ඇති බවත් ඊට අදාළ සාක්ෂි ද ඕනෑ තරම් තිබෙන බවත් මේ සියලුම කරුණු සලකා බලා ඉදිරි රජයකදී ජනතා විමුක්ති පෙරමුණ විසින් සිදුකරන ලද සියලුම පොදු දේපළ විනාශ කිරීම්වලට එරෙහිව පොදු දේපළ පනත යටතේ නීතිය ක්‍රියාත්මක කරන බවද ජයසේකර මන්ත්‍රීවරයා එහිදී සඳහන් කළේය.
වර්තමානයේ දී පොදු දේපළ පනත භාවිතා කරමින් දේශපාලන පළිගැනීම් සිදුකරන කරන බවත් ඒ අනුව ජනතා විමුක්ති පෙරමුණ විසින් පසුගිය කාලවල සිදු කරන ලද පොදු දේපළ සම්බන්ධයෙන් ඉදිරි රජයකදී අනිවාර්යෙන්ම නීතිය ක්‍රියාත්මක කර අවශ්‍ය පුද්ගලයින්ට එරෙහිව නීතිය ක්‍රියාත්මක කිරීමට කටයුතු කරන බවද දයාසිරි ජයසේකර කියා සිටියේය.
විශේෂයෙන්ම මේ අවස්ථාවේදී වසර ගණනාවකට පෙර පැවති ඇතැම් සිද්ධි සම්බන්ධයෙන් දේශපාලන පළිගැනීම් සිදු කරන බවත් එම නිසා ජනතා විමුක්ති පෙරමුණ ඒ කාලෙදි කරන ලද සියලුම පොදු දේපල විනාශයන් සම්බන්ධයෙන් වාර්තා සකස්කර අදාළ සාක්ෂි කැඳවා ඉදිරි රජයකදී අනිවාර්යයෙන්ම ඔවුන්ට එරෙහිව නීතිය ක්‍රියාත්මක කිරීමට කටයුතු කරන බවද දයාසිරි ජයසේකර මන්ත්‍රීවරයා සඳහන් කළේය.
ජේ.ආර්. ජයවර්ධන, රණසිංහ ප්‍රේමදාස ජනාධිපතිවරුන් විසින් ජනතා විමුක්ති පෙරමුණට සමාව ලබා දුන්නත් මේ වන විට ඔවුන් දේශපාලන පළිගැනීම් සිදු කරන නිසා ඔවුන්ට එරෙහිව ද නීතිය ක්‍රියාත්මක කිරීමට විපක්ෂයේ බොහෝ දේශපාලන පක්ෂවල අවධානය යොමු වී ඇති බවත් ඒ අනුව ඉදිරි රජයක් යටතේ ජනතා විමුක්ති පෙරමුණට එරෙහිව නීතිය අනිවාර්යෙන්ම ක්‍රියාත්මක කිරීමට කටයුතු කරන බවද මන්ත්‍රීවරයා වැඩිදුරටත් සදහන් කළේය.
1982 වර්ෂයේදී ගෙනා පොදු දේපළ පනතට 1988 වර්ෂයේදී සංශෝධනයක් ඉදිරිපත් කල බවත් ඵදා පොදු දේපල පනත ගෙනාවේ ජනතා විමුක්ති පෙරමුණ සිදුකල පොදු දේපල විනාශයන්ට ඵරෙහිව බවද දයාසිරි ජයසේකර මන්ත්‍රීවරයා වැඩිදුරටත් කියා සිටියේය.
