ජනාධිපති අනුර කුමාර දිසානායක සැප්තැම්බර් 1 වැනිදා යාපනයේදී පවසා තිබුනේ චෙම්මනි මිනි වළ සම්බන්ධයෙන් සැගවීමට කිසිවක් නොමැති බවයි.
දෙවැනි අදියරේ කැනීම් කටයුතු සිදු කළ 41 වැනි දිනය වු සැප්තැම්බර් 2 වැනි අගහරුවාදා පුද්ගලයන් හතර දෙනකුට අයත් අස්ථි අළුනින් මතු කරගත් අතර මේ වන විට චෙම්මනි සිත්තුපාත්ති සමූහ සුසානයෙන් පුද්ගලයන් 222 දෙනකුට අයත් අස්ථි මතු කරගෙන තිබේ.
ඒවායින් පුද්ගලයන් 206 දෙනකුට අයත් අස්ථි මේ වන විටත් ගොඩ ගෙන අවසන් බවයි කැනීම් කටයුතු වාර්තාකරණයේ යෙදී සිටින පළාත් බද වාර්තාකතරුවන් පවසන්නේ.
යාපනය මයිලිඩ්ඩි ධිවර වරාය සංවර්ධනය කිරීමේ ව්‍යාපෘතියේ 3 වැනි අදියර ආරම්භ කිරීම වෙනුවෙන් යාපනයට ගිය ජනාධිපති අනුර කුමාර දිසානායක සැප්තැම්බර් 1 වැනිදා පවසා තිබුනේ චෙම්මනි සමුහ සුසානය සම්බන්ධයෙන් විධිමත් පරීක්ෂණයක් ආරම්භ කර ඇති බවයි.
"දැනුත් ආන්දෝලනයට තුඩුදී තිබෙනවා චෙම්මනි මිනි වළ. අපි ඒ පිළිබද විධිමත් විමර්ශනයක් ආරම්භ කරලා තියනවා. අපිට සඟවන්න කිසි දෙයක් නැ. හැබැයි අපි ඒවා පිළිබඳව විමර්ශනය කරන්නේ කුමක් වෙනුවෙන්ද? අනාගතයේ යලි එවැනි තත්වයක් ඇතිවීම වළක්වාගැනීම වෙනුවෙන්. "
කටුක අතීතය ස්මරණය කළ යුත්තේ ඇයිද යන්නත් එහිදී පැවසු ජනාධිපතිවරයා අද දිනයේ චෙම්මනී මිනි වළ නිරීක්ෂණය නොකරම එය ඉදිරිපිටින් යාපනයේ සිට මුලතිව් දක්වා රථ සමුහයක් පිරිවරා ගමන් ගන්නා අයුරු ජනමාධ්‍යවේදීන් රූගත කර තිබේ.
වෝහාරික පුරාවිද්‍යාඥ මහාචාර්ය රාජ් සෝමදේවගේ සහ යාපනය අධිකරණ වෛද්‍ය නිලධාරි සෙල්ලයියා ප්‍රනවන්ගේ මෙහෙයවීමෙන් චෙම්මනි සිත්තුපාත්ති සමූහ සුසානයෙන් කැනීම් කටයුතු පළමු වරට ආරම්භ වුයේ 2025 මැයි 15 වැනිදායි.
ශ්‍රී ලංකාවෙන් මේ තාක් හමු වු විශාලතම සමුහ සුසානය ලෙස සැලකෙන්නේ බාල දරුවන් 28ක ඇතුළු මිනිස් සිරුරු කොටස් 376 ක් සොයාගත් මන්නාරම සතොස සමුහ මිනී වලයි.
