සරත් ගනේගොඩ ශ්‍රී ලංකන් ගුවන් සේවයේ මෙන්ම ශ්‍රී ලංකන් කේටරින් (SriLankan Catering) සමාගමේ ද සභාපතිවරයා ලෙස කටයුතු කළේය. ඔහු සමඟ එම සමාගම් දෙකෙහිම අධ්‍යක්ෂ මණ්ඩල සාමාජිකයෙකු ලෙස කටයුතු කළ රොහාන් ගුණතිලක ද සිය ධුරයෙන් ඉල්ලා අස්වී ඇත.
නව පත්වීම් සහ අධ්‍යක්ෂ මණ්ඩලයේ ව්‍යුහය
භාණ්ඩාගාර ලේකම්වරයා විසින් ස්ථිර සභාපතිවරයෙකු නම් කරන තෙක්, ශ්‍රී ලංකන් ගුවන් සේවයේ සහ ශ්‍රී ලංකන් කැටරින් සමාගමේ වැඩබලන සභාපති ලෙස දැනට අධ්‍යක්ෂ මණ්ඩලයේ සිටින භාණ්ඩාගාර නියෝජිත ඒ.කේ.ඩී.ඩී. ඩිමල් අරන්දර පත් කර තිබේ.
ධුරයෙන් සමුගන්නා සභාපතිවරයා සහ අධ්‍යක්ෂවරයා සිය සේවා කාලය තුළ ඉටුකළ මෙහෙවර අධ්‍යක්ෂ මණ්ඩලයේ ඇගයීමට ලක්ව ඇත.
මෙම ඉල්ලා අස්වීම්වලින් අනතුරුව ශ්‍රී ලංකන් ගුවන් සේවයේ අධ්‍යක්ෂ මණ්ඩලය පහත පරිදි සමන්විත වේ.
ඒ.කේ.ඩී.ඩී. ඩිමල් අරන්දර (වැඩබලන සභාපති)
ෆ්ලයිට් ලෙෆ්ටිනන්ට් (විශ්‍රාමික) සුගත් රාජපක්ෂ
විපුල ගුණතිලක
ජනාධිපති නීතිඥ ආචාර්ය හර්ෂ කබ්රාල්
දුමිත් ප්‍රනාන්දු
සෙනරත් ලියනගේ
ශ්‍රී ලංකන් කේටරින් සමාගමේ අධ්‍යක්ෂ මණ්ඩලය ද මෙයට සමාන වන අතර, එහි සෙනරත් ලියනගේ ඇතුළත් නොවේ.
