ශ්‍රී ලංකාවට බොරතෙල් ගෙනෙනු ලබන්නේ ලංකා ඛනිජ තෙල් නීතිගත සංස්ථාව විසින් සපුගස්කන්ද පිරිපහදුව සදහා පමණක් බව එකී නිවේදනයෙන් අවධාරණය කර සිටියි.
ලෝක වෙළඳපොලේ ඩොලර් සීයකට පමණ මිලදී ගත හැකි බොර තෙල් බැරලයක් ශ්‍රී ලාංකික ගැනුම්කරුවකු ඩොලර් 286ක් ගෙවා මිලට ගෙන ඇතැයි වාර්තා වන බව HSBC බැංකුවේ ප්‍රධාන විධායක නිලධාරී ජෝර්ජස් එල්හෙඩරි පසුගිය අඟහරුවාදා හොංකොං හි පැවති ආයෝජන සංසදයක දී පැවසු බව Middle East Eye නමැති වෙබ් අඩවිය වාර්තා කර තිබිණ.
ඒ සම්බන්ධයෙන් ලංකා ඛනිජතෙල් නීතිගත සංස්ථාව නිකුත් කර ඇති නිවේදනයේ මෙසේද සඳහන් වේ.
''මැදපෙරදිග කලාපයේ නොසන්සුන්තාව ඇතිවීමෙන් පසුව ලංකාව වෙත ලඟාවෙන ප්‍රථම බොරතෙල් නවුකාව අප්‍රේල් 17 දින ලංකාවට ලඟාවේ. ලංකා ඛනිජතෙල් නීතිගත සංස්ථාව විසින් ගෙන්වනු ලැබූ හෝ ගෙන්වීමට ගිවිසුම්ගත වූ කිසිදු බොරතෙල් තොගයක, බැරලයක් සදහා ඇමරිකානු ඩොලර් 286 ගෙවා හෝ ගෙවීමට පොරොන්දු වී නොමැත.
මැදපෙරදිග යුද්ධය හටගැනීමෙන් පසු පැමිණෙන බොරතෙල් නවුකා සඳහා දලවශයෙන් බැරලයකට ඇමරිකානු ඩොලර් 71.99, 111.62, 71.81 හා 113.29 ලෙස ගෙවීමට පොරොන්දුවී ඇති අතර, එය දැනට වෙළදපලේ ඇති මිලට සාපේෂව ඉතා වාසිදායක අගයක් වේ.
ඒ අනුව ලංකා ඛනිජතෙල් නීතිගත සංස්ථාව අනෙක් තරගකාරී සමාගම් වලට සාපේෂව ඉතා සාධනීය හා වාසිදායක තත්වයක් උදාකරගෙන ඇති අවස්ථාවක, සංස්ථාවේ කීර්තිනාමය විනාශකිරීමේ අරමුණෙන් කෙරෙන සාවද්‍ය ප්‍රකාශ තරයේ හෙලාදකිමු.
එසේම මෙවන් සාවද්‍ය ප්‍රකාශ සමාජගතකොට, ජන සමාජය නොසන්සුන් කීරීම, ආතතියට පත්කිරීම හා ලංකා ඛනිජ තෙල් නිතිගත සංස්ථාවේ කීර්තිනාමය විනාශකිරීම සම්බන්ධයෙන් සියලුම පාර්ශව වලට එරෙහිව නීතිමය ක්‍රියාමාර්ග ගැනිමට බලාපොරොත්තු වෙමු.”
HSBC ප්‍රධානියා හෙළිකළ "දොරකඩ මිල" (Door-to-Door Price) සත්‍යය
හොංකොං හි පැවති HSBC ගෝලීය ආයෝජන සමුළුවේදී ජෝර්ජ් එල්හෙඩ්රි සිදු කළ ප්‍රකාශය හුදු දේශපාලන වාර්තාවක් නොව, ජාත්‍යන්තර වෙළඳපොළේ පවතින කටුක යථාර්ථයයි. ඔහු පෙන්වා දෙන්නේ ලෝක වෙළඳපොළේ බොරතෙල් මිල (Headline Price) ඩොලර් 90-110 මට්ටමේ පැවතියද, ලංකාව වැනි රටකට එම තෙල් ගොඩබෑම දක්වා වැයවන සැබෑ පිරිවැය හෙවත් "දොරකඩ මිල" (Door-to-Door Price) ඩොලර් 286ක් තරම් අධික වී ඇති බවයි.
ඔහු මෙම මිල ගණන් බිඳ දක්වන්නේ මෙසේය:
නැව් ගාස්තු (Shipping):
මීට පෙර පැවති මිලට වඩා බැරලයකට ඩොලර් 30-40ක් අතර අමතර පිරිවැයක්.
රක්ෂණ ගාස්තු (Insurance):
මීට පෙර 0.25% ක්ව පැවති රක්ෂණ ගාස්තුව 5% දක්වා 20 ගුණයකින් ඉහළ යාම.
යුද රක්ෂණ (War Insurance):
යුද අවදානම හේතුවෙන් සාමාන්‍ය රක්ෂණ පවා අහෝසි වී අතිශය ඉහළ වාරික ගෙවීමට සිදුවීම.
මෙම හෙළිදරව්ව හමුවේ ලංකා ඛනිජ තෙල් නීතිගත සංස්ථාව (CPC) සිය නිවේදනය මගින් පවසන්නේ තමන් බොරතෙල් ගෙන්වන්නේ ඩොලර් 71.99, 111.62 වැනි මිල ගණන්වලට බවයි. නමුත් මෙහිදී සංස්ථාව HSBC ප්‍රධානියා පෙන්වා දෙන නැව් ගාස්තු, රක්ෂණ සහ ලොජිස්ටික් පිරිවැය ඇතුළත් වූ විට අවසන් මිල කොපමණද යන්න පැහැදිලිව සඳහන් කර නොමැත.
සබැඳි ලිපි :
ඩොලර් 150 තෙල් බැරලය ලංකාව මිලට ගෙන ඇත්තේ ඩොලර් 286ටයි - HSBC ප්‍රධාන විධායක හෙළිදරව් කරයි
බොරතෙල් නෞකාවක් හෙට දිවයිනට
