භාණ්ඩාගාර දෙපාර්තමේන්තුවේ වෙබ් අඩවියේ පළ කර ඇති ලේඛනයකට අනුව, ඊයේ වන විට නෞකාවලට පටවා ඇති තෙල් මිලදී ගැනීමට මැයි 16 දක්වා අවසර දී ඇත.
මෙය අප්‍රේල් 11 වැනිදා අවසන් වූ දින 30ක සහන කාලය තවදුරටත් දීර්ඝ කිරීමකි.
රුසියානු තෙල් මිලදී ගන්නා රටවලට අමෙරිකානු සම්බාධකවලට මුහුණ දීමට සිදු නොවන පරිදි ලබා දී තිබූ මෙම සහනය වොෂින්ටනය විසින් අලුත් නොකරන බවට භාණ්ඩාගාර ලේකම් ස්කොට් බෙස්න්ට් ප්‍රකාශ කර දින දෙකකට පසුව මෙම තීරණය ගෙන තිබේ.
රුසියාවේ ජනාධිපති නියෝජිත කිරිල් දිමිත්‍රීව් (Kirill Dmitriev) පවසා තිබුණේ, මෙම පළමු සහන කාලය හරහා රුසියානු බොර තෙල් බැරල් මිලියන 100ක් නිදහස් වනු ඇති බවයි.
එය ලෝකයේ දිනක නිෂ්පාදනයට ආසන්න වශයෙන් සමාන වන බව විදෙස් මාධ්‍ය සඳහන් කරයි.
ලංකාවට සහය දෙන්න රුසියාව සුදානමින්
රුසියානු තෙල් අලෙවියට අමෙරිකාවෙන් තවත් මසක සහනයක් ලබාදීම නිසා රුසියාවෙන් ඉන්දන මිලදී ගැනීමට ශ්‍රී ලංකා රජයට අවස්ථාව උදවි ඇත.
ශ්‍රී ලංකාවට අවශ්‍ය ඕනෑම අවස්ථාවක දෙරට අතර රාජ්‍යතන්ත්‍රීක ගිවිසුම් යටතේ සහන මිලකට රුසියාවේ ඉන්දන, පොහොර හා ගල් අඟුරු ලබාදීමට රුසියානු රජය එකඟත්වය පළකර ඇතැයි වාර්තවේ.
මුලාශ්‍ර :
US renews Russian oil waiver after pressure from countries dealing with Iran war price shocks
