ඇය ප්‍රකාශ කරන්නේ, නිර්මාණකරුවන්ගේ ප්‍රකාශන නිදහස සහ පීඩිත පුද්ගලයන්ගේ අයිතිවාසිකම් පිළිබඳ තමන් දිගු කලක් දරණ මතයට පරස්පර වන ආකාරයට, දීපචෙල්වන්ගේ කෘති රේගුව හා ආරක්ෂක අමාත්‍යාංශය විමර්ශනය කිරීම හා තවදුරටත් රඳවා තබා ගැනීම හරහා ලබා දෙන පණිවිඩය හේතුවෙන් මෙම තීරණය ගත් බවයි.
ඇය පැවසුවේ, පසුගිය වසර පුරා විවිධ සීමාකම් මධ්‍යයේ වුවද, ලාංකේය සාහිත්‍යයේ ප්‍රවර්ධනය සඳහා අගති විරහිතව කටයුතු කිරීමට උත්සාහ කළ බවයි.
තම ඉල්ලා අස්වීම ප්‍රකාශ කරමින්, සංස්කෘතික අමාත්‍යවරයාට, අදාළ දෙපාර්තමේන්තු කාර්ය මණ්ඩලයට, කලා මණ්ඩලයේ සභාපතිවරයාට, සාහිත්‍ය අනුමණ්ඩලයේ අනෙකුත් සාමාජිකයින්ට සහ සහය ලබාදුන් සියලු සාහිත්‍යවේදීන්ට හා සමීක්ෂකයින්ට ඇය ස්තුතිය පළ කර ඇත.
මෙම ඉල්ලා අස්වීම, කලා හා සාහිත්‍ය ක්ෂේත්‍රයේ ප්‍රකාශන නිදහස පිළිබඳ නව සංවාදයක් ඇති කිරීමට ද හේතු විය හැකි බව විචාරකයෝ පෙන්වා දෙති.
