පොලිස් මාධ්‍ය ප්‍රකාශක නීතිවේදී එෆ්. යූ වුට්ලර් සඳහන් කරයි.
ඔහුගෙන් කළ විමසීමකදී ඔහු සඳහන් කර සිටියේ, හිරු මාධ්‍ය ආයතනය විසින් ඒ සම්බන්ධයෙන් කිසිදු ඉල්ලීමක් හෝ පැමිණිල්ලක් කර නැති බවයි.
මේ අතර හිරු මාධ්‍ය ජාලයේ සාමාජිකයන්ට ආරක්ෂාව ලබා දෙන ලෙස තමන් පොලිස්පතිවරයාගෙන් ඉල්ලීමක් කළ බව සඳහන් කරමින් සමාජ මාධ්‍යවල සංසරණය වනුයේ මුළුමනින්ම ව්‍යාජ ලිපියක් බව හිරු ටී.වී. නියෝජ්‍ය ප්‍රවෘත්ති අධ්‍යක්ෂ තරංග දිනුෂ් ජයකොඩි සිය අත්සනින් යුතු නිවේදනයක් නිකුත් කරමින් පවසා සිටියි.
එසේ කූඨ ලේඛන සකස් කළ පුද්ගලයන්ට එරෙහිව නීතිමය පියවර ගන්නා බව ද හිරු ටී.වී. නියෝජ්‍ය ප්‍රවෘත්ති අධ්‍යක්ෂවරයා කියා සිටියි.
හිරු මාධ්‍ය ආයතනයට සහ සේවකයන්ට ආරක්ෂාව ඉල්ලූ බවට සමාජ මාධ්‍යයේ සංසරණය වනුයේ ව්‍යාජ ලිපියක් බව මෙරට ප්‍රමුඛ පෙළේ කරුණු සමීක්ෂණ ආයතනක් වන Fact Crescendo Sri Lanka ආයතනය ද නිවේදනය කරයි.
වැඩිදුරටත් විස්තර :
හිරු ටීවි ආයතනයට සහ සේවකයින්ට ආරක්ෂාව ඉල්ලූ බවට සමාජ මාධ්‍ය ඔස්සේ පළවන ලිපිය, ව්‍යාජ ලිපියක්!
