අද උදෑසන 6.30ට මෙම සාම පා ගමන ආරම්භවිය.
භික්ෂූන් වහන්සේ 200 නමකට වැඩි පිරිසක් පසුගිය ඔක්තෝබර් මස අමෙරිකාවේ ටෙක්සාස් සිට වොෂින්ටනය දක්වා ප්‍රාන්ත 10ක් පසුකරමින් දින 110ක් පුරා සාමය වෙනුවෙන් පාගමනේ නිරත වුයේ මුළු මහත් ලෝකයේම අවධානය ඒ වෙත යොමු කර ගනිමිනි.
එය ''ඒහිපස්සිකෝ ''සාමයේ පාගමන නමින් අප්‍රේල් 28 වැනිදා දක්වා රාජ්‍ය අනුග්‍රහය සහිතව මෙරටදී පැවැත්වීමට කටයුතු සංවිධාන කෙරුණි.
ඒ අනුව වියට්නාම් ජාතික පූජ්‍ය පඤ්ඤාකර ස්වාමින් වහන්සේ ප්‍රමුඛ භික්ෂූන් වහන්සේ ඊයේ දිනයේදී දිවයිනට ළඟා වුණි.
මෙම සාම පා ගමන සඳහා "ආලෝකා" නැමැති සුනඛයාද භික්ෂූන් වහන්සේ සමග එක්ව සිටී.
සාම පාගමනේ පළමු දිනය අද මාතලේ අලුවිහාරය දක්වා ගමන් කිරීමට නියමිතය.
WALK FOR PEACE - ශ්‍රී ලංකා සංචාරය කාලසටහන
* පළමු දිනය | අප්‍රේල් 21: අනුරාධපුරය → දඹුල්ල දක්වා
* දෙවැනි දිනය | අප්‍රේල් 22: (47 km): දඹුල්ල → මාතලේ දක්වා
* තුන්වන දිනය | අප්‍රේල් 23: (28 km): මාතලේ → මහනුවර
* හතරවන දිනය| අප්‍රේල් 24 (25 km): මහනුවර → බෙලිගම්මන
* පස්වන දිනය | අප්‍රේල් 25 (25 km): බෙලිගම්මන → තෝලංගමුව
* හයවන දිනය | අප්‍රේල් 26 (33 km): තෝලංගමුව → යක්කල
* හත්වන දිනය | අප්‍රේල් 27 (21 km): යක්කල → කැලණිය
* අටවන දිනය | අප්‍රේල් 28 (15 km): කැලණිය → කොළඹ
* නව වන සහ දහවන දින | අප්‍රේල් 29-30: කොළඹ ගංගාරාම විහාරස්ථානයේ සර්වඥ ධාතු ප්‍රදර්ශනය
* එකලොස්වන දිනය | මැයි1: ඇමෙරිකාව බලා යළි පිටත්ව යෑම
වැඩිදුරටත් විස්තර :
'සැබෑ බුදු දහම' සොයා යන Walk for Peace පා ගමනට නායකත්වය දෙන පූජ්‍ය පඤ්ඤාකර හිමි යනු කවුද?
