මෙම විශ්වාසභංග යෝජනාව මුදල් අමාත්‍යවරයාට එරෙහිව ගෙන එනවාද එසේත් නැතිනම් ආණ්ඩුවට එරෙහිව ගෙන එනවාද යන්න පිළිබඳව තවම තීරණයක් ගෙන නැති බවත් ඒ සම්බන්ධයෙන් විපක්ෂයේ දේශපාලන පක්ෂ සමඟ මේ දිනවල සාකච්ඡා කරගෙන යන බවත් සමගි ජන බලවේගයේ කළුතර දිස්ත්‍රික් මන්ත්‍රී නීතිඥ අජිත් පී පෙරේරා පැවසීය.
කිරි හරක් මිලදී ගැනීමක් සම්බන්ධයෙන් ඕස්ට්‍රේලියාවට මෙම ණය මුදල ගෙවීමට නියමිතව තිබූ බව ඔහු සඳහන් කළේය.
මුදල් නියෝජ්‍ය අමාත්‍ය හර්ෂණ සූරියප්පෙරුම මේ තනතුරේ කිසිවිටෙකත් සිටිය යුතු තැනැත්තෙකු නොවන බව පැවසූ මන්ත්‍රීවරයා, ජනාධිපතිවරයාටද වගකීමක් පැවරෙන හෙයින් අඩු තරමින් මුදල් අමාත්‍ය ධුරයෙන් ඉවත්විය යුතු බවද ප්‍රකාශ කළේය.
භාණ්ඩාගාරයේ සේවය කළ පළ පුරුදු නිලධාරීන් නව රජය පත්වීමත් සමග දේශපාලන හේතු මත වෙනත් අංශවලට මාරුකර යවා ඇතැයි පැවසූ අජිත් පෙරේරා මන්ත්‍රීවරයා, අත්දැකීම් නැති පක්ෂයට හිතවත් අය ඒ පුරප්පාඩු වලට පත් කළ බවද ප්‍රකාශ කළේය.
( lankalokaya | අසේල පෙරේරා)
