අනුර කුමාර දිසානායකගේ උපදෙස් අනුව ජනාධිපති ලේකම්වරයා විසින් මෙම ගැසට් පත්‍රය ප්‍රකාශයට පත් කර තිබේ.
දිට්වා සුළි කුණාටුව හේතුවෙන් ඇතිවූ ආපදා තත්ත්වය සැලකිල්ලට ගනිමින්, රට තුළ මහජන ආරක්ෂාව සහ සාමාන්‍ය ජීවන ක්‍රමය පවත්වාගෙන යාමට, එසේම අත්‍යාවශ්‍ය සැපයුම් හා සේවා අඛණ්ඩව ලබාදීමට මෙම තීරණය ගෙන ඇත.
ඒ අතරතුර, සෞඛ්‍ය, විදුලිය, ජලය සහ ඛනිජ තෙල් ඇතුළු සේවා 15ක් අත්‍යාවශ්‍ය සේවා ලෙස නම් කරමින් පෙර නිකුත් කළ ගැසට් නිවේදනය ද තවදුරටත් දීර්ඝ කර ඇත.
දිට්වා සුළි කුණාටුව සමඟ රටේ ඇති වූ ආපදා තත්ත්වය හේතුවෙන් අවශ්‍ය සේවාවන් පවත්වාගෙන යාමේ අරමුණින් ජනාධිපති අනුර කුමාර දිසානායක හදිසි තත්ත්වයක් ප්‍රකාශයට පත් කළේ නොවැම්බර් 28 වැනිදාය.
ජාතික ආරක්ෂාව, මහජන සාමය සහ අත්‍යවශ්‍ය සේවා නඩත්තු කිරීම, පවත්වාගෙන යාම සහතික කිරීමේ අරමුණ ඇතිව මුළු දිවයිනට ම බලපැවැත්වෙන පරිදි ප්‍රකාශයට පත්කළ හදිසි තත්ත්වය සඳහා පසුව පාර්ලිමේන්තු අනුමැතිය ගැනිණි.
ගිම්හාන් ද සිල්වා
