හෝ ආරාධනාවක් කර නැතැයි එක්සත් ජාතික පක්ෂය පවසයි.
සජබ මැයි දින රැලියට සහභාගී නොවීමට එජාප ගෙන ඇති තීරණය සම්බන්ධයෙන් 'සිරිකොත' එජාප මුලස්ථානයේ ප්‍රධානියකු ගෙන් කළ විමසීමකදී එම කාරණය අවධාරණය කළේය.
මාලිගාවත්ත පී. ඩී. සිරිසේන ක්‍රීඩාංගනයේ පැවැත්වෙන සමගි ජන බලවේගයේ මැයි රැළියට සහභාගී වන ලෙස මහලේකම් රංජිත් මද්දුම බණ්ඩාර නිල ලිපිය මගින් ආරාධනා කර ඇත්තේ එක්සත් ජාතික පක්ෂයේ සාමාජිකත්වයට පමණක් බව එම ප්‍රකාශකයා තව දුරටත් පැවසිය.
සජබ මහලේකම් රංජිත් මද්දුම බණ්ඩාර ගේ අත්සනින් යුතුව ඉකුත් 27 වැනි දින එක්සත් ජාතික පක්ෂයේ මහලේකම් නීතීඥ තලතා අතුකෝරල ට එවූ ලිපියේ ආදාළ ආරාධනාව සඳහන් පරිච්ඡේදයේ සඳහන් වන්නේ මෙසේය.
“වෘත්තීය සමිති, කම්කරු සංවිධාන, තරුණ සංවිධාන සහ කාන්තා සංවිධාන ඇතුළුව සමගි ජන සන්ධානයට අයත් සියළු පක්ෂවල සහභාගීත්වයෙන් එළැඹෙන මැයි 01 දින ප.ව. 2.00 ට මාලිගාවත්ත පී. ඩී. සිරිසේන ක්‍රීඩාංගනයේ පවත්වන මැයි දින රැළියට සහභාගී වන ලෙස එක්සත් ජාතික පක්ෂයේ සාමාජිකත්වයට අප ගෞරවයෙන් ආරාධනා කරන්නෙමු.“
අදාළ ලිපිය මගින් පැහැදිලිවම ආරාධනා කර ඇත්තේ එක්සත් ජාතික පක්ෂ සාමාජිකත්වයට බව මනාව තහවුරු වන බව 'සිරිකොත' ප්‍රකාශකයා වැඩි දුරටත් කියා සිටියේය.
සමගි ජන බලවේගයේ මහලේකම් රංජිත් මද්දුම බණ්ඩාර කළ ආරාධනයට පිළිතුරු ලිපියක් යොමු කරමින් එක්සත් ජාතික පක්ෂයේ මහලේකම් නීතීඥ තලතා අතුකෝරල පවසා සිටියේ, මෙවර මැයි පළමුවැනිදා පසළොස්වක පොහෝ දිනයක් බැවින් එදින දේශපාලන කටයුතුවලින් බැහැරව ආගමික වතාවත් සඳහා වෙන් කිරීමට තම පක්ෂය තීරණය කර ඇති බවයි.
