5 වන මුද්‍රණය වන මේ මුද්‍රණය එළිදැක්වෙන්නේ, සිවු වන මුද්‍රණයෙන් වසර 10කට පමණ පසු ව ය. පිටු 256කින් යුත් කෘතියේ පිටපතක මිල රු. 990/= කි.
'විද්‍යා කතාන්දර' කෘතිය සෛද්ධාන්තික භෞතික විද්‍යාව විෂය කරගත්තකි. තත් විෂය හා බැඳුණු තාරකා හෞතික විද්‍යාව සිය ආචාර්ය උපාධිය සඳහා හදාළ ආචාර්ය නලින් ද සිල්වා විද්වතාණන් මේ සඳහා අත්‍යන්තයෙන් ම සුදුස්සකු බව අවිවාදිත ය. එ තුමා අයින්ස්ටයිනීය සාපේක්ෂතා ප්‍රවාද හා ක්වොන්ටම් භෞතිකය ගැඹුරින් හැදෑරුවකුවීම නව දැනුම සොයායන සිංහල යෞවනයන් ගේ වාසනාවකි.
කාන්දම් කෙත, දෙකක් එකක් වීම හා එකක් දෙකක් වීම, ඊතර හොල්මන, ඇල්බට් අයීන්ස්ටයින්, නිරපේක්ෂ අවකාශයෙහි සැඟවුණු මහසෝනා, බඹ ලොව කාලය, මොහොතක් නොපවතින මොහොත, ආරම්භයක් නැති විශ්වයක්, දෙවියන් වහන්සේ හා යාන්ත්‍රිකය, ගර්ඩල් ප්‍රමේය, පරිගණකය හා දෙවියෝ, ඌනිතවාදය හා යුදෙවු දෙවියන් වහන්සේ, කැඩපතේ ප්‍රශ්නය, සාපේක්ෂතා මූලධර්මය, ආලෝකයේ වේගයෙන් දිවීම, සන්නිවේදනයේ සීමා, ක්වොන්ටම් භෞතිකයට වෙනත් අර්ථකථනයක්, අපේ දැනුමක් ගොඩනැඟීම, මෙහි සාකච්ඡා වන මාතෘකා කිහිපයකි.
මේ වනවිට නලින් ද සිල්වා ඇදුරුතුමා ගේ 'මගේ ලෝකය' (8 වන මුද්‍රණය, මිල: රු. 650/=), අපේ ප්‍රවාද (4 වන මුද්‍රණය, මිල; රු. 1190/=), අපේ ප්‍රවාද '- 2 (2 වන මුද්‍රණය, මිල; රු. 1090/=), අපේ ප්‍රවාද - 3 (2 වන මුද්‍රණය, මිල; රු. 990/=) යන කෘති සියල්ලෙහි නව මුද්‍රණ විසිදුනු ප්‍රකාශකයන් විසින් පළ කෙරී ඇත.
