අදාළ දැරිය අධිකරණ වෛද්‍ය නිලධාරියාට ලබා දුන් කටඋත්තර අනුව සැකකාර හිමියන් අත්අඩංගුවට ගැනීමට මෙසේ පොලිස් කණ්ඩායමක් යොදා ඇතැයි ප්‍රකාශකයෙක් ‘ද ලීඩර්’ වෙත පැවැසීය.
මව මුදල් ලබාගෙන ඊට හිලව්වට තමා මෙසේ අපයෝජනය සඳහා ලබා දුන් බවට වින්දිත දැරිය පොලිසියට පවසා ඇති අතර පොලිසිය අධිකරණයට කළ කරුණු වාර්තා කිරීම අනුව පුළුල් විමර්ශනයක් කරන ලෙස අනුරාධපුර ප්‍රධාන මහේස්ත්‍රාත්වරයා නියෝග කර ඇත.
අදාළ හිමිනමට අමතරව ව්‍යාපාරිකයකුට ද මුදල් ලබාගෙන තමා මෙසේ අපයෝජනයට ලබා දී ඇති බව දැරිය පවසා තිබේ.
වින්දිත දැරියගේ මව විහාරාධිපති හිමියන් හොඳින්ම දන්නා හඳුනන අයකු බව ද කියයි.
සිදුවීමෙන් පසු සැකකාර හේමරතන හිමිනම අත්අඩංගුවට ගැනීම පමාවීම ගැන මාධ්‍යයෙන් විවේචන එල්ල වූ අතර ඊට හේතු වූයේ හේමරතන හිමියන් රජයේ ප්‍රධාන නිල තනතුරක් දරන අයකුගේ ඥාතියකු වීමයි.
සිදුවීම ගැන ජාතික ළමා ආරක්ෂක අධිකාරියට ද පැමිණිලි රැසක් ලැබී ඇත.
(සටහන | ගිම්හාන් ද සිල්වා)
සබැඳි පුවත් :
බාලවයස්කාර දැරියකට බරපතල ලිංගික අපරාධයක් කළ අනුරාධපුර පුද බිමේ විහාරාධිපති හිමිනම අත්අඩංගුවට නොගන්නා ලෙස බලපෑම් !
තමන්ට බරපතළ ලිංගික අපරාධයක් කළ බව කියන අනුරාධපුර විහාරාධිපති හිමිනමක් ගැන 15 හැවිරිදි දැරියක් අධිකරණයේදී හෙළි කරයි
