හිටපු අමාත්‍ය දිලුම් අමුණුගම අවධාරණය කර සිටියි.
හිටපු ජනාධිපති මහින්ද රාජපක්ෂගේ සමීපතම ගෝලයෙකු වන දිලුම් අමුණුගම එබව කියා සිටියේ, කොළඹ හෙන්රි පේද්‍රිස් ක්‍රීඩාංගණයේදී අද (1) පැවති සර්වජන බලය මැයි දින රැලිය අමතමිනි.
ඒ සම්බන්ධයෙන් අදහස් දක්වමින් වත්මන් ක්‍රිකට් අතුරු කමිටුවේ සාමාජික ජනාධිපති නීතිඥ උපුල් කුමාරප්පෙරුම පවසන්නේ, දිලිත් ජයවීරට පසු 12 වන ජනාධිපති තමා බවයි.
"බලාපොරොත්තු තියාගන්න සර්වජන බලය ඒකාන්තයෙන්ම බලය ලබා ගන්නවා"
ජනාධිපති අනුර කුමාරගේ නාඩගම් දේශපාලනයට තවදුරටත් අනාගතයක් නොමැති බවත්, ඉතාමත් කෙටි කාලයක් ඇතුළත විශාලතම දූෂණයන් කරපු ආණ්ඩුව මෙය වන බවත් සර්වජන බලයේ නායක පාර්ලිමේන්තු මන්ත්‍රි දිලිත් ජයවීර, කොළඹ හෙන්රි පේද්‍රිස් ක්‍රීඩාංගණයේදී අද (1) පැවති සර්වජන බලය මැයි දින සැමරුමට එක්වෙමින් සඳහන් කළේය.
රටේ දියුණුවට අතදෙන විශාලතම ධනය වන්නේ, ඒ රටෙහි මානව ධනය බවත්, ව්‍යවසායකත්ව රාජ්‍යයක් ගොඩනැගෙන්නේ වැඩකරන ජනතාවගෙන් බවත් හෙතෙම පැවසීය.
කෙසේ නමුත් මෙවර මැයි දිනය සැමරීමට සිදුව ඇත්තේ ඛේදජනක වටපිටාවක වන බව ද දිලිත් ජයවීර පැවසිය.
එමෙන්ම ඔහු සඳහන් කර සිටියේ, වැඩකරන ජනතාවට එරෙහිව මෙලෙස රාජ්‍ය බලය භාවිත කළ වෙන කිසිදු ආණ්ඩුවක් නොමැති බවය.
එහිදී වැඩිදුරටත් අදහස් දැක්වූ සර්වජන බලයේ නායක පාර්ලිමේන්තු මන්ත්‍රි දිලිත් ජයවීර,
''ලංකාව මේක සමරන්නේ ඛේදජනක වටපිටාවක...මුදල් අමාත්‍යංශයේ කෙනෙක් මැරෙනවා.. ඩොලර් මිලියන ගාණක් හැකර්වරු හොරකම් කළා කියන පසුබිමක. එකේ ඇත්ත හෙළි කරපු රාජ්‍ය නිලධාරියා අබිරහස් ලෙස මැරෙනවා.
මේ රජය ආපු දවසේ ඉදන් මේ මරණය වෙනකල්ම වැඩ කරන ජනතාවට එලවා එලවා ගහපු ආණ්ඩුවක්. වෙන කිසිම ආණ්ඩුවක් වැඩ කරන ජනතාවට එරෙහිව මෙහෙම රාජ්‍ය බලය පාවිච්චි කළේ නෑ. විදුලිබල මණ්ඩලයේ අයට කිව්වේ කොහොමද, ජීවිතයට ආදරයක් තියෙනවා නම් වෘත්තීය සමිති සටන් පටන් ගන්න එපා කියලා. ඉතිං මෙයාලට පුලුවන් ද ලෙනින්ගේ, මාක්ස්ගේ, විජේවීරගේ ෆොටෝ ගහලා නිර්ධන ජනතාව වෙනුවෙන් රැලි පවත්වන්න.
වාමාංශික ව්යාපාරය කියන්නේ මේ රටේ මිනිස්සුන්ගේ හද ගැස්මේ ව්යාපාරය. නිර්මල මිනිස්සුන්ගේ ව්යාපාරය. ඒ අය කිසිම දෙයක් බලාපොරොත්තුවෙන් වෘත්තීය සමිති ව්‍යාපාරවලට ආපු අය නෙමේ. ඒක මේ අය නැති කරලා.
අපි වාමවාදී දේශපාලනයට නව බලාපොරොත්තුවක් ගේනවා. මේ මව්බිම බේරගන්න වෙන බලවේගයක් නෑ. හදවතින් දේශපාලනය කරන අපි වගේ වෙන කෙනෙක් නෑ. කවුරු මොන විදිහට කුමන්ත්‍රණය කළත් ජාති ආගම් කුල බේදයකින් තොරව අපි එකතු වෙනවා.
මේ සභ්‍යත්වට අපි රැක ගන්න ඕනේ. අපේ අවංක දේශපාලනය ගොඩ නැගෙන ආකාරය ඔබ ඇස් දෙකෙන්ම දැක්කා. පැය 24ක් ඇතුළත දැනුම් දුන්නාම ඔබ ආවා. ඒක තමා අපේ ශක්තිය..
''බටලන්දේදී ගුදයට දාපු බටේ දැන් කටේ දාගෙන''
අනුර කුමාරගේ නාඩගම් දේශපාලනයට තවත් අනාගතයක් නෑ. බටලන්ද වාර්තාව පාර්ලිමේන්තුව ගෙනල්ලා ඇඬුවා. ඒක තිබ්බලු අඳුරු කුටියක. ඒක පාර්ලිමේන්තුව ගෙනල්ලා විවාදයක් ගෙනාවා. දැන් කෝ ඒ වාර්තාව. කෝ බටලන්ද නඩුව. 60,000ක් බිලි දුන්න පක්ෂය. අනුර කුමාරට කතා කරන්න අයිතියක් නෑ.. 60,000ක තරුණයින්ටවත් අඩුම තරමේ වගකියන්න ඕනේ ඔයාලා. ඔවුන් සිහිනයක් වෙනුවෙන් මැරුණ අය..
ඊයේ පෙරෙදා මිය ගිය තරුණයාත් සිහිනයක් වෙනුවෙන් මිය ගියේ. දැන් ඒ සිහිනය බොදවෙලා. මෙතන අනුර කුමාරගේ ආණ්ඩුවක් නෑ. අනුරයි රනිලුයි එකතු වෙලා අටවපු කැලෑ පොලිසීයෙන් තමා ආණ්ඩුව දුවන්නේ. මම ඔබට කියන්නේ මේ ව්‍යාජ දේශපාලනය තේරුම් ගන්න. මේ පොත රනිල්ගේ, කවරේ විතරයි අනුරගේ කිව්වට කවුරුත් විශ්වාස කළේ නෑ.
''රනිල්ගේ ප්‍රොක්සි ජනපති අනුර''
ජාතිවාදය ගේන්නෙම මේ අය එකතු වෙලා. මේක ව්‍යාජ දේශපාලනයක් මේක අටවපු ෆොක්සි ආණ්ඩුවක්. මේකේ පිටිපස්සේ දේශීය විදේශීය සියලු බලවේග ඉන්නවා. නැත්තේ අහිංසක ජනතාව විතරයි. ජනතාවට කියන්න තියෙන්නේ අපිට දුකයි ඔබ ගැන, ඔබට වුණ දේ ගැන. කරුණාකරලා ඔබ ගැන හිතන්න. ඉතාම කෙටි කාලයක් තුළ විශාලතම දූෂණ කරපු ආණ්ඩුවක් මේක.. මේ ආණ්ඩුවට තවදුරටත් අදූෂිත ආණ්ඩුවක් කියන සටන් පාඨය පාවිච්චි කරන්න බෑ''
දියුණු ශ්‍රී ලංකාවක් නිර්මාණයක් කරන්න, රට යන්න හිතෙන අපේ තාරුණ්‍යයට නව බලාපොරොත්තුවක් ගේන්නයි අපිට ඕනේ. අපි අපේ සටන් පාඨය දියුණු ශ්‍රී ලංකාවක් වෙනුවෙන් කියලා යොදලා තියෙන්නේ ඒක නිසා. කලාපීය, ගෝලීය වශයෙන් ඒ දේශපාලනයට ආර්ථිකයට ස‍රිලන පරිසරයක් නිර්මාණය කරන එකයි අපේ අරමුණ. ඒ බලවේගයට එකතු වුණ ඔබ සියලු දෙනාටම ස්තූතියි.
බලාපොරොත්තු තියාගන්න සර්වජන බලය ඒකාන්තයෙන්ම බලය ලබා ගන්නවා. මේ මව්බිමට ආදරය කරන මිනිස්සු කොන්දේසි විරහිතව අපි එකතු කර ගන්නවා. ආණ්ඩුව විතරක් නෙමේ ඒකට මුක්කු ගහන බලවේගත් අපි පරාජය කරනවා. ජනතාවට ඇත්ත පහදලා දීලා දත්ත සහිතවයි අපි කතා කරන්නේ. ඒ විශ්වාස‍ය ගමට යද්දී ඔබ අරන් යන්න.. ගමට ගිහින් කතා කරලා දැනුවත් කරලා ජනතාව අභිප්‍රේරණය කරන්න.. අපිට මේක කරන්න පුළුවන් කියන විශ්වාසයෙන් ගමට යන්න".
