ඔහු මේ බව පැවසුවේ ශම්මි සිල්වා ඉවත්කිරීමට ඉන්දීය අගමැතිවරයා මැදිහත්වීදැයි කැබිනට් මාධ්‍ය හමුවේදී මාධ්‍යවේදීන් කළ ප්‍රශ්නකිරීමට පිළිතුරු දෙමිනි.
එහිදී ඇති වූ සංවාදය මෙසේය.
ප්‍රශ්නය :
ආන්ඩු කීපයක්ම හිටපු ක්‍රිකට් සභාපති ධුරයෙන් ඉවත්කරන්න උත්සාහ කළත් හරිගියේ නෑ. හැබැයි මේ ආණ්ඩුව සංයමයෙන් ක්‍රියාකළා. මෝදි අගමැතිවරයා කළ ඉල්ලීමක ප්‍රතිඵලයක්ද මේ කියල සමාජයේ අදහසක් තිබෙනවා. තරුණ සමාජය ඉල්ලුවෙ රොෂාන් වුණත් දුන්නේ ඉරාන්ව. හැබැයි කාගෙන්වත් දැන් විරෝධයක් නෑ. ඔබලා ඉරාන්ව තෝරාගත්තේ ක්‍රිකට් ක්‍රීඩකයකු හා බැංකුකරුවකු නිසාද?
පිළිතුර:
ක්‍රිකට් ක්‍රීඩාව ඉදිරියට ගෙනියන්න ඒක දන්න අත්දැකීම් තිබෙන පරිපාලනය දන්න කණ්ඩායමක් දුන්නේ. මේ කණ්ඩායමට ලංකාවේ ක්‍රිකට් නගාසිටුවන්න හැකිවේවි යැයි අපි විශ්වාස කරනවා. අපේ ප්‍රාර්ථනාවත් ඒක. සභාපති ගැන විවිධ අදහස් තිබෙන්න පුළුවන්. නමුත් ඒ අය තදින් ශක්තිමත්ව බැඳිල ඉන්නවා.
ප්‍රශ්නය :
ඇතැමුන් ඉරාන් වික්‍රමරත්නගේ ආගම මුල් කරගෙන මඩ ප්‍රචාර කරනවා?
පිළිතුර :
ක්‍රිකට් හදන්න ඕනෑ නම් ආගමද ජාතියද තරාතිරම නෙවෙයි. වැදගත් වෙන්නේ දක්ෂතාව. මේකෙ දේශපාලනයක් නෑ. ශම්මි සිල්වා මහතා සුහදශීලීව තනතුර අතහැරිය. ඒක හොඳ ආදර්ශයක්. ඉරාන් වගකීම ගත්තා.
(සටහන | ගිම්හාන් ද සිල්වා)
