සැකකටයුතු බවට ඔහුගේ බිරිඳ විසින් ප්‍රකාශය කර ඇතැයි දේශපාලනඥයින් දෙදෙනෙකු විසින් කර ඇති ප්‍රකාශ මුළුමනින්ම අසත්‍ය බව කැබිනට් ප්‍රකාශය, අමාත්‍ය නලින්ද ජයතිස්ස අවධාරණය කර සිටියි.
ඔහු එබව කියා සිටියේ, අද (05) පාර්ලිමේන්තුවේදී මේ සම්බන්ධයෙන් පැවැති හදිසි විවාදයට එක්වෙමිනි.
"මේ මරණය සැක කටයුතුයි කියලා එතුමාගේ බිරිඳ කියනවා කියන කතාව මුළුමනින්ම අසත්‍යක්. මේ සම්බන්ධයෙන් දැන් පාර්ලිමේන්තුවේ නැති දෙදෙනෙකු ප්‍රකාශ කරලා තිබුණා මාධ්‍ය හරහා. ඒ අය සම්බන්ධයෙන් නීතිමය කටයුතු ආරම්භ කරනවා."
"ඒ ප්‍රකාශ ගැන රංග රාජපක්ෂ මහත්තයාගේ ඥාතීන්ට ප්‍රශ්නයක් තියෙනවා. බරපතළ කම්පනයක් තියෙනවා මේ කියන ප්‍රකාශය ගැන."
"අද බණ හෙට දානය. ඊට පස්සේ ඥාතීන් ඇවිත් ඒ කියපු අයට එරෙහිව පැමිණිලි කරනවා." යයි ඇමතිවරයා පැවසිය.
'අමෙරිකානු ඩො.මි. 2.5 ගැන පැමිණිල්ල කළේ රංග නෙමෙයි'
අමෙරිකානු ඩොලර් මිලියන 2.5ක් අහිමිවීමේ සිද්ධිය සම්බන්ධයෙන් පැමිණිලි කර තිබුණේ රංග රාජපක්ෂ නොව විදේශ සම්පත් දෙපාර්තමේන්තුවේ අධ්‍යක්ෂ ජනරාල්වරයා බව ද අමාත්‍ය නලින්ද ජයතිස්ස පවසයි.
"පැමිණිල්ල කළේ මේ නිලධාරියා කියලා කිව්වා.. ඇත්තටම පැමිණිල්ල කළේ විදේශ සම්පත් දෙපාර්තමේන්තුවේ අධ්‍යක්ෂ ජනරාල්වරය."
මුදල් අමාත්‍යාංශයේ සහකාර අධ්‍යක්ෂ රංග නිශාන්ත මහතාගේ මරණය සැක සහිත බවට ඔහුගේ බිරිඳ විසින් පොලීසියට පැමිණිලි කර ඇති බවත්, කුලියාපිටිය මහේස්ත්‍රාත්වරයා විසින් සෞඛ්‍ය අධ්‍යක්ෂ ජනරාල්වරයාට යොමු කළ ලිපියේද ඒ බව සඳහන්ව ඇති බවත් පිවිතුරු හෙළ උරුමයේ නායක උදය ගම්මන්පිල ඊයේ ( 04) දින පැවැති පිවිතුරු හෙළ උරුමය මාධ්‍ය හමුවේ දී පැවසිය.
