ඒ, ශ්‍රීලන්කන් ගුවන් සමාගමට 2013 වසරේ ගුවන් යානා මිලදී ගැනීමේ දී ලබාදුන්නේ යැයි කියන අමෙරිකානු ඩොලර් මිලියන 2ක අල්ලස් සිද්ධිය සම්බන්ධයෙන් ප්‍රකාශයක් ලබාදෙන ලෙස අල්ලස් කොමිසම කළ දැනුම්දීමක් අනුවය.
හිටපු ගුවන් සේවා අමාත්‍ය පියංකර ජයරත්න ට ද අල්ලස් කොමිසම හමුවේ පෙනී සිටින ලෙස දැනුම් දී ඇති බව වාර්තා වේ.
හිටපු ජනාධිපති මහින්ද රාජපක්ෂ ගේ මාධ්‍ය ප්‍රකාශක නීතිඥ මනෝජ් ගමගේ සඳහන් කළේ, අද උදෑසන 9ට අල්ලස් කොමිසම හමුවේ මහින්ද රාජපක්ෂ පෙනී සිටීමට නියමිත බවය.
කෙසේ වෙතත් යම් යම් නීතිමය කරුණු සම්බන්ධයෙන් නීතිඥවරු කණ්ඩායමක් හමුවේ සාකච්ජා පැවැත්වීමට නියමිත බවද ඔහු වැඩිදුරටත් සඳහන් කළේය.
ශ්‍රීලන්කන් හිටපු ප්‍රධාන විධායක නිලධාරී මියගිය කපිල චන්ද්‍රසේන විසින් ලබා දුන් පාපොච්චාරණයක් උපයෝගි කරගනිමින් හිටපු ජනාධිපතිවරයාට කැඳවීමක් කර ඇති නමුත් ඔහු ලබා දුන් පාපොච්චාරණය ඔහුට තර්ජනය කර බලෙන් ලබා ගැනීමක් බවට ඔහු අධිකරණයට දිවුරුම් ප්‍රකාශයක් මඟින් ලබා දී ඇති බවත් පැවසූ නීතිඥ මනෝජ් ගමගේ එම කරුණු පදනම් කරගනිමින් මෙම කැඳවීම සිදුකරන්නේ නම් එය නීතිවිරෝධී බවද පැවසීය.
කෙසේවුවද හිටපු ජනාධිපතිවරයා අද දිනයේ දී අත්අඩංගුවට ගැනීමේ අවශ්‍යතාවය මතු නොවනබව අල්ලස් කොමිසමේ ජ්‍යෙෂ්ඨ නිලධාරියකු පැවසිය.
සබැඳි ලිපි :
බලහත්කාරයෙන් ගත් කටඋත්තරයක්ද? කපිල චන්ද්‍රසේනගේ ආන්දෝලනාත්මක දිවුරුම් ප්‍රකාශය සහ අල්ලස් කොමිසමේ මාධ්‍ය මෙහෙයුම පිටුපස ඇති කතාව
'අල්ලස් වශයෙන් ලැබුන මුදලින් කොටසක් මහින්දට දුන්න කතාවේ ඇත්ත -නැත්ත ? - කපිලගෙන් දිව්රුම් ප්‍රකාශයක් !
