සිය ඔස්ට්‍රේලියානු නිල සංචාරය නිමවා මෙරටට පැමිණීමට පෙර, කැන්බරා නුවර ශ්‍රී ලංකා මහ කොමසාරිස් කාර්යාලයේදී SBS සිංහල සේවය සමඟ විශේෂ සම්මුඛ සාකච්ඡාවකට එක්වෙමින් අමාත්‍යවරයා මේ බව අවධාරණය කර ඇත.
මෑතකදී සිඩ්නි නුවර සිදුවූ ඇතැම් දේශපාලන ක්‍රියාකාරකම් ශ්‍රී ලංකාවේ ජාතික සමගියට ඍජුවම බාධා පමුණුවන බව පෙන්වා දුන් අමාත්‍යවරයා, ඒ පිළිබඳව විදේශ කටයුතු අමාත්‍යාංශය හරහා ඔස්ට්‍රේලියානු රජයට නිල වශයෙන් දැනුම් දී ඇති බවද අනාවරණය කළේය.
ලංකාවේ වෙනස ගැන ඩයස්පෝරාව උද්යෝගයෙන්
මෙම මතභේදාත්මක දේශපාලන ස්ථාවරය පැහැදිලි කරන අතරතුරම, ශ්‍රී ලංකාවට ආර්ථික වශයෙන් තීරණාත්මක ජයග්‍රහණයක් අත්කර දීමටද අමාත්‍යවරයා සමත්ව ඇත.
ඒ අනුව, කලාපීය විස්තීර්ණ ආර්ථික හවුල්කාරිත්වයේ (RCEP) සාමාජිකත්වය ශ්‍රී ලංකාවට ලබා ගැනීම සඳහා ඔස්ට්‍රේලියාව සහ නවසීලන්තය පූර්ණ සහයෝගය දෙන බවට සහතික වී තිබේ.
ඔස්ට්‍රේලියානු විදේශ අමාත්‍ය පෙනී වොන්ග් (Penny Wong) හමුවෙමින් මෙරට ස්වෛරීභාවය වෙනුවෙන් පෙනී සිටි ඇමති විජිත හේරත්, ලංකාවේ සිදුවන නව දේශපාලන වෙනස පිළිබඳව ඔස්ට්‍රේලියාවේ වෙසෙන ශ්‍රී ලාංකික ප්‍රජාව මහත් ආඩම්බරයකින් හා උද්යෝගයකින් පසුවන බවද වැඩිදුරටත් සඳහන් කළේය.
මුලාශ්‍රය :
sbs.com.au
