ප්‍රකට දේශපාලන ක්‍රියාකාරී වසන්ත මුදලිගේ විසින් සමාජ මාධ්‍ය වෙත මුදාහළ සාක්ෂි සහිත වීඩියෝවකින් හෙළිවන්නේ, මාසයක සේවා වැටුප් ඉල්ලා සිටි අවුරුදු 16ක බාලවයස්කාර දරුවෙකුට එල්ල වූ අමානුෂික ප්‍රහාරයකි.
දංගෙදර සහ සරෙන්තුකඩේ හන්දිය අතර ඉන්ධන පිරවුම්හල අසල, සියඹලාගහවත්ත ප්‍රදේශයේ බිත්තර ව්‍යාපාරයක නිරත "සුරේෂ්" නැමැති පුද්ගලයා විසින් මෙම සාහසික අපරාධය මෙහෙයවා තිබේ.
වැරදි පටවා ඇඳුම් ගලවා පහරදීමේ තිරිසන් ක්‍රියාව
වැටුප් ඉල්ලූ සැනින්, තම නිවසේ රත්තරන් බඩු සොරාගත් බවට අසත්‍ය චෝදනා නඟමින්, එම වරද පිළිගන්නා ලෙස බලකරමින් මෙම දරුවාගේ ඇඳුම් ගලවා, නිරුවත් කර බරපතල වධහිංසනයට ලක්කර ඇත. ගැටලුවකට නීත්‍යානුකූල පියවරක් වෙනුවට, නීතිය අතට ගෙන බාලවයස්කාර දරුවෙකු මෙලෙස දඩයම් කිරීම කිසිසේත්ම අනුමත කළ නොහැක්කකි.
ළමා රක්ෂණ අධිකාරිය සහ පොලීසිය තවමත් මුණිවත රකින්නේ ඇයි?
වීඩියෝ සාක්ෂි ප්‍රසිද්ධව තිබියදීත්, බාලවයස්කාර දරුවෙකු මෙලෙස ශ්‍රම සූරාකෑමට ලක්කිරීම, වධහිංසනය සහ ළමා අපයෝජනය සම්බන්ධයෙන් අදාළ බලධාරීන් වහාම ක්‍රියාත්මක විය යුතුය. ජාතික ළමා රක්ෂණ අධිකාරිය (NCPA) සහ ශ්‍රී ලංකා පොලීසිය වහාම මැදිහත් වී මෙම "බිත්තර සුරේෂ්" නැමැති සාහසිකයා වහාම අත්අඩංගුවට ගෙන දරුවාට යුක්තිය ඉටුකිරීමට බලකර සිටිමු. නීතිය සැමට සමාන විය යුතුය!
(සටහන | හර්ෂ ගුරුගේ )
දරුවකු වැඩට ගෙන මාසයක වැටුප් ඉල්ලපු අවස්ථාවේ ඔවුන්ගේ රත්තරන් භාණ්ඩ සොරා ගත් යැයි පවසා වරද පිළිගන්නා ලෙස ඇඳුම් ගලවා නිරුවත්කර සාහසික ලෙස පහරදෙන අවස්ථාව දැක්වෙන වීඩියෝව මතු පළවේ.
