ඔවුන් පෙන්වා දෙන්නේ සමස්ත රාජ්‍ය ක්ෂේත්‍රයම ආවරණය වන පොදු ප්‍රතිපත්තියකින් තොරව, එක් පිරිසක් පමණක් ඉලක්ක කර නීති වෙනස් කිරීම ප්‍රජාතන්ත්‍රවාදී සමාජ ව්‍යවහාරයන්ට පටහැනි බවයි.
රටේ ජනතාවගේ පරමායුෂ ඉහළ යාමත් සමඟ සමස්ත රාජ්‍ය හා පෞද්ගලික අංශයේම විශ්‍රාම වයස සංශෝධනය වීම සාධනීය කරුණක් වුවද, එය දත්ත මත පදනම් වූ සාධාරණ ජාතික ප්‍රතිපත්තියක් විය යුතු බව ක්ෂේත්‍රයේ ප්‍රවීණයෝ අවධාරණය කරති. අධිකරණ පද්ධතියේ ස්වාධීනත්වය රැක ගැනීම වෙනුවට, කිසියම් පුද්ගල කණ්ඩායමකට පමණක් සුවිශේෂී වරප්‍රසාද සැලසීමට ව්‍යවස්ථාව සංශෝධනය කිරීම දේශපාලනික තීන්දුවක් ලෙස අර්ථකථනය වීමේ අවදානමක් පවතින බව ද ඔවුහු පවසති.
වත්මන් දත්තවලට අනුව ශ්‍රේෂ්ඨාධිකරණයේ සහ අභියාචනාධිකරණයේ විනිසුරු පුරප්පාඩු 8ක් පවතින අතර, සමස්ත අධිකරණ ක්ෂේත්‍රය පුරා නිලධාරී පුරප්පාඩු 2,647ක් පවතී. අද දවසේ ප්‍රමුඛතම අවශ්‍යතාව වන්නේ මෙම මානව සම්පත් හිඟය විධිමත් ලෙස පියවීමයි.
හිටපු ආණ්ඩුකාර රාජිත් කීර්ති තෙන්නකෝන්, ජනාධිපති නීතිඥ මෛත්‍රී ගුණරත්න සහ නීතිඥ අතුල ද සිල්වා ඇතුළු නීති ක්ෂේත්‍රයේ ප්‍රමුඛයන් පෙන්වා දෙන්නේ, තෝරාගත් පිරිසකට පමණක් වාසි සැලසෙන පරිදි කටයුතු කිරීම වෙනුවට, සමස්ත රාජ්‍ය සේවයේම වෘත්තිකයන්ට සාධාරණය ඉටුවන විනිවිදභාවයකින් යුත් වැඩපිළිවෙළක් රජය විසින් වහාම සකස් කළ යුතු බවයි.
ෆ්‍රී ලෝයර්ස් සංවිධානය නිකුත්කර ඇති මාධ්‍ය නිවේදනය මතු පළවේ.
