නීතියේ රැහැනට හසුවී බන්ධනාගාරගත වන මව්වරුන් සමඟ සිරකුටිවල ලැගුම් ගැනීමට සිදුවන වයස අවුරුදු 5ට අඩු අහිංසක දරුවන්ගේ මුල් ළමාවිය සංවර්ධනය වෙනුවෙන් සුවිශේෂී ජාතික වැඩසටහනක් (SCILL) වැලිකඩ බන්ධනාගාරයෙන් ආරම්භ කර තිබේ.
"මුල් ළමා විය අසාර්ථක වූවන්ගෙන් බහුතරයක් අද බන්ධනාගාරගතව සිටිනවා. වැරදිකරුවන් පුනරුත්ථාපනය කරන අතරේ, කිසිදු වරදක් නොකළ මේ දරුවන්ගේ අයිතිවාසිකම් රැකීම මානුෂීය වගකීමක්" යැයි තිඹිරිගස්යායේදී පැවැති මෙම සමාරම්භක උළෙල අමතමින් අධිකරණ හා ජාතික ඒකාබද්ධතා අමාත්‍ය, නීතිඥ හර්ෂණ නානායක්කාර අවධාරණය කළේය.
"මුල් ළමා විය අසාර්ථක වූවන්ගෙන් බහුතරයක් අද බන්ධනාගාරගතව සිටිනවා. වැරදිකරුවන් පුනරුත්ථාපනය කරන අතරේ, කිසිදු වරදක් නොකළ මේ දරුවන්ගේ අයිතිවාසිකම් රැකීම මානුෂීය වගකීමක්" යැයි තිඹිරිගස්යායේදී පැවැති මෙම සමාරම්භක උළෙල අමතමින් අධිකරණ හා ජාතික ඒකාබද්ධතා අමාත්‍ය, නීතිඥ හර්ෂණ නානායක්කාර අවධාරණය කළේය.
කුඩු ජාවාරමට වැට බඳින්න සමාජයත් පෙරමුණට ආ යුතුයි
මෙහිදී මාධ්‍යවේදීන් නැඟූ ප්‍රශ්න හමුවේ අමාත්‍යවරයා පද්ධතියේ ඇති බිහිසුණු යථාර්ථය ද හෙළි කළේය. අද වන විට මත්ද්‍රව්‍ය වැරදි සම්බන්ධයෙන් පමණක් 24,000ක් සිරගතව සිටින බවත්, ජාවාරම්කරුවන්ට දැන් රාජ්‍ය අනුග්‍රහය නොමැති බවත් ඔහු පැවසීය.
"නීතියෙන් සැපයුම් ජාලය කැපුවත්, මත්ද්‍රව්‍ය ඉල්ලුම නැවැත්වීම සමාජයේ වගකීමක්" යැයි පැවසූ ඇමතිවරයා, රස පරීක්ෂක වාර්තා ප්‍රමාදය නිසා සිරගෙවල් තදබද වන ගැටලුවට විසඳුම් ලෙස වසරක ප්‍රමාදය මාස 3 දක්වා අඩු කිරීමට පියවර ගන්නා බව ද සනාථ කළේය.
"හැංගිලා ඉන්න දේශපාලකයින්ට හැමදාම හැංගිලා ඉන්න වෙන්නේ"
විදේශගතව සැඟව සිටින දූෂිත දේශපාලනඥයින් සහ අපරාධකරුවන් මෙරටට ගෙන්වීම සම්බන්ධයෙන් අදහස් දැක්වූ අමාත්‍යවරයා, නීතිමය ප්‍රතිපාදන හරහා නඩු ඇසීම කඩිනම් කර ඇති බවත්, වැරදිකරුවන්ට නිසි දඬුවම් දෙන තෙක් ඔවුන්ට සදාකාලිකවම හැංගී සිටීමට සිදුවන බවත් ප්‍රකාශ කළේය.
තවද, වැලිකඩ බන්ධනාගාරය හොරණ මිල්ලෑව ප්‍රදේශයට ගෙනයාමට සහ සිරකරුවන් නිවාස අඩස්සියේ තබා අධීක්ෂණය කිරීමේ නව ක්‍රමවේදයක් ගැන ද අවධානය යොමු කර ඇත. "අපි සාර්ථක වෙන්නේ ලොකු හිරගෙවල් හැදුව දාට නෙවෙයි, හිරගෙවල් වහලා ඒවා පාසල් කරපු දාටයි," යනුවෙන් ඇමතිවරයා සිය කතාව අවසන් කළේය.
මෙහිදී මාධ්‍යවේදීන් නැඟූ ප්‍රශ්න හමුවේ අමාත්‍යවරයා පද්ධතියේ ඇති බිහිසුණු යථාර්ථය ද හෙළි කළේය. අද වන විට මත්ද්‍රව්‍ය වැරදි සම්බන්ධයෙන් පමණක් 24,000ක් සිරගතව සිටින බවත්, ජාවාරම්කරුවන්ට දැන් රාජ්‍ය අනුග්‍රහය නොමැති බවත් ඔහු පැවසීය.
"නීතියෙන් සැපයුම් ජාලය කැපුවත්, මත්ද්‍රව්‍ය ඉල්ලුම නැවැත්වීම සමාජයේ වගකීමක්" යැයි පැවසූ ඇමතිවරයා, රස පරීක්ෂක වාර්තා ප්‍රමාදය නිසා සිරගෙවල් තදබද වන ගැටලුවට විසඳුම් ලෙස වසරක ප්‍රමාදය මාස 3 දක්වා අඩු කිරීමට පියවර ගන්නා බව ද සනාථ කළේය.
"හැංගිලා ඉන්න දේශපාලකයින්ට හැමදාම හැංගිලා ඉන්න වෙන්නේ"
විදේශගතව සැඟව සිටින දූෂිත දේශපාලනඥයින් සහ අපරාධකරුවන් මෙරටට ගෙන්වීම සම්බන්ධයෙන් අදහස් දැක්වූ අමාත්‍යවරයා, නීතිමය ප්‍රතිපාදන හරහා නඩු ඇසීම කඩිනම් කර ඇති බවත්, වැරදිකරුවන්ට නිසි දඬුවම් දෙන තෙක් ඔවුන්ට සදාකාලිකවම හැංගී සිටීමට සිදුවන බවත් ප්‍රකාශ කළේය.
තවද, වැලිකඩ බන්ධනාගාරය හොරණ මිල්ලෑව ප්‍රදේශයට ගෙනයාමට සහ සිරකරුවන් නිවාස අඩස්සියේ තබා අධීක්ෂණය කිරීමේ නව ක්‍රමවේදයක් ගැන ද අවධානය යොමු කර ඇත. "අපි සාර්ථක වෙන්නේ ලොකු හිරගෙවල් හැදුව දාට නෙවෙයි, හිරගෙවල් වහලා ඒවා පාසල් කරපු දාටයි," යනුවෙන් ඇමතිවරයා සිය කතාව අවසන් කළේය.
