කුඩා දරුවෙක් පාසලේ පන්ති කාමරය තුළ ගුරුවරියක විසින් අපහසුතාවට පත්කරන ආකාරය දැක්වෙන
වීඩියෝවක් මේ වනවිට සමාජ මාධ්‍ය ඔස්සේ ප්‍රචාරය වෙමින් තිබේ.
මේ පිළිබඳ අප අධ්‍යාපන අමාත්‍යාංශයෙන් විමසීමක් කළේය.
එහිදී ඔවුන් පැවසුවේ අදාළ සිදුවීම රූගත කිරීම සිදුකළේ කවුරුන්ද යන්න සොයා බලා එය සිදුකර ඇත්තේ ගුරුවරයෙකු හෝ ගුරුවරියක නම් ඊට එරෙහිව විනය ක්‍රියාමාර්ග ගන්නා බවය
කුඩා දරුවකුට කරන මෙම හිංසනය සම්බන්ධයෙන් සමාජ මාධ්‍ය ඔස්සේ බරපතල විරෝධයක් එල්ලවෙමින් තිබේ.
ඒ සම්බන්ධයෙන් 'කලම්බෝ ටෙලිග්‍රාෆ්' කර්තෘ, ජ්‍යෙෂ්ඨ මාධ්‍යවේදී උවිඳු කුරුකුලසූරිය සිය ෆේස්බුක් පිටුවේ මෙවැනි සටහනක් පළකර ඇත.
'' මේ දරුවගෙන් ප්‍රශ්ණ අහල, දරුව දෙන උත්තරේට හිනාවෙවී, ඒක වීඩියෝ කරල සමාජ මාධ්‍යයට මුදාහල ගුරුවරියට අධ්‍යාපන අමාත්‍යාංශය විනය ක්‍රියාමාර්ග ගත යුතුය. ලැජ්ජ නැතුව මේව බෙදා හරින අයටත් එරෙහිව තමතමන් තනිව හරි යමක් කරන්න බලන්න!''
