එම පුවත් වාර්තාවේ මෙසේද සඳහන් වේ.
''මෙම නිවස පිහිටා තිබෙන ටොරින්ටන් මාවත අංක 260/17 දරන ලිපිනය නාමල් රාජපක්ෂගේ CSN රූපවාහිනි නාලිකාවේ ලිපිනය ලෙසින් ද යොදා ගෙන තිබූ බව අල්ලස් හෝ දූෂණ විමර්ශන කොමිෂන් සභාව විසින් අනාවරණය කර ගෙන තිබේ.
රනිල් වික්‍රමසිංහ අගමැති ලෙසින් සිටි 2002 – 2004 සමයේ මහින්ද රාජපක්ෂ විපක්ෂ නායක ලෙසින් සිටිය දී මෙම නිවස රනිල් වික්‍රමසිංහගේ මැදිහත්වීමෙන් මහින්ද රාජපක්ෂ වෙත කුලී පදනමින් ලබා දී ඇත.
මහින්ද රාජපක්ෂ ජනාධිපති ලෙසින් පත් වූ පසුව අදාළ නිවස ශිරන්ති රාජපක්ෂගේ සැබෑ නම වන මේරි ලූඩ්ස් වික්‍රමසිංහ යන නමට සින්නක්කරව මිල දී ගෙන ඇත.
ඒ වෙනුවෙන් වැය කළ රුපියල් කෝටි 40ක මුදල උපයා ගත්තේ කෙසේ දැයි අල්ලස් කොමිසමෙන් පරීක්ෂණ පවත්වන අතර, මෙම දේපළ විකිණීම හෝ අන්සතු කිරීම තහනම් කර තිබේ.''
