ඒවා අතරෙන් පසුගිය මාර්තු මාසයේ පමණක් කැඳවීමට නඩු 1494ක් තිබූ බව මේ සම්බන්ධයෙන් එම අධිකාරිය ප්‍රසිද්ධ කර ඇති ලේඛනයේ දැක්වේ.
මෙයින් වැඩිම නඩු සංඛ්‍යාවක් වාර්තා වී ඇත්තේ ගාල්ල මහාධිකරණයෙන් වන අතර එහි අගය 467කි.
ඉන්පසු පිළිවෙලින් කළුතර 241ක්, ගම්පහ 231ක් හා මාතර 212ක් ලෙස වැඩිම නඩු ගණන ඇත.
දිවයින පුරා ඇති නඩු ගණන හා ඊට අදාළ අධිකරණ මෙසේය.
අම්පාර 39ක්, අනුරාධපුර 159ක්, අවිස්සාවේල්ල 69ක්, බදුල්ල 215ක්, බලපිටිය 171ක්, මඩකලපුව 4ක්, හලාවත 145ක්, කොළඹ 125ක්, ඇඹිලිපිටිය 15ක්, ගාල්ල 467ක්, ගම්පහ 231ක්, හම්බන්තොට 53ක්, හෝමාගම 37ක්, යාපනය 43ක්, කල්මුණේ 1ක්, කළුතර 241ක්, මහනුවර 418ක්, කෑගල්ල 203ක්, කිලිනොච්චිය 35ක්, කුලියාපිටිය 161ක්, කුරුණෑගල 412ක්, මන්නාරම 8ක්, මාතලේ 83ක්, මාතර 212ක්, මොණරාගල 80ක්, මීගමුව 198ක්, නුවරඑළිය 82ක්, පානදුර 39ක්, පොලොන්නරුව 122ක්, පුත්තලම 67ක්, රත්නපුර 165ක්, තංගල්ල 50ක්, ත්‍රිකුණාමලය 28ක්, වව්නියාව 43ක් වශයෙන් මෙම නඩු ඇති බව එහි සඳහන් වේ.
මෙම තොරතුරු ලබාගෙන ඇත්තේ 2026 අප්‍රේල් 8 වැනිදා තෙක්ය.
1988 අංක 28 දරන අපරාධ නඩු විධාන සංග්‍රහය නිර්වචන අනුව දණ්ඩ නීති සංග්‍රහයේ සඳහන් ළමා අපයෝජන නිමිති 13කට අදාළව මෙම නඩු විභාග වේ.
ළමයින්ට අදාළව කරන අසභ්‍ය පළකිරීම්, ළමයින්ට සිගාකෑමට සැලැස්වීම හෝ කුට්ටනය, ලිංගික සංසර්ගය සඳහා කුට්ටානියකු වශයෙන් ක්‍රියා කිරීමට ළමයින් කුලියට ගැනීම හෝ සේවයේ යෙදවීම, සීමිත භාණ්ඩ ජාවාරම් කිරීමට ළමයින් කුලියට ගැනීම හෝ සේවයේ යෙදවීම, ළමයින් කෘරත්වයට භාජනය කිරීම, කුට්ටනය, ළමයින්ගෙන් අයුතු ලිංගික ප්‍රයෝජන ගැනීම, තැනැත්තන් වෙළෙඳාම් කිරීම, ස්ත්‍රී දූෂණය, ව්‍යභිචාරය, අස්වාභාවික වැරැදි, තැනැත්තන් අතර දැඩි අශිෂ්ට ක්‍රියා හා බරපතල ලිංගික අපයෝජනය යන එම වැරැදි ළමයකුට අදාළව සිදුකරන විට ළමා අපයෝජන ලෙස සැලකේ.
| ගිම්හාන් ද සිල්වා
